बिप्लवले किन दिए हिंसात्मक अभिब्यक्तिः न्यायाधीशहरुलाई घरबाट थुतेर कुट्नुपर्छ

खोज पत्रिका बिहिबार, २०७९ असार २३, ०१ :५२ बजे

काठमाडौं । नेपाल कम्युनिष्ट पार्टीका महासचिव नेत्रविक्रम चन्द्र विप्लवले हिंसात्मक अभिव्यक्ति दिएका छन् ।

बुधबार राजधानीमा आयोजित कार्यक्रममा महासचिव विप्लव अमेरिकी सहयोग परियोजना (एमसीसी) विरुद्ध आन्दोलनमा उत्रिँदा पक्राउ परेका विद्यार्थीहरुसँग लाखौ रुपैयाँ धेरौटी मागेको भन्दै हिंसात्मक अभिब्यक्ती दिएका हुन् ।

आफना दलका कार्यकर्तालाई धेरै धरौटी मागेको भन्दै उनले न्यायाधीशहरुलाई घरबाट थुतेर कुट्नुपर्ने बताए । बिप्लवले भने, ‘एउटा पढिरहेका विद्यार्थीलाई १० लाख, पाँच लाख धरौटी माग्ने हो ?

देश बेच्न पाइँदैन भनेर आन्दोलन गर्ने युवालाई पक्रेर ३ लाख रुपैयाँ धरौटी माग्ने हो ? यो न्यायाधीश को हो ? यीनलाई त घरघर गएर थुतेर कुट्नुपर्छ ।’ बिप्लवको यो अभिब्यक्तीले उनको आलोचना भएको छ ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #महासचिव नेत्रविक्रम चन्द्र विप्लव, #हिंसात्मक अभिव्यक्ति