बिहिबार संसद दिवस, विभिन्न कार्यक्रम गरी मनाइदैं

खोज पत्रिका बिहिबार, २०७९ असार १६, १४ :०१ बजे

काठमाडौं । बिहिबार संसद दिवस, विभिन्न कार्यक्रमहरु गरी मनाइँदैछ। नेपालमा २०१६ असार १६ गते संसदको पहिलो बैठक बसेको ऐतिहासिक दिनको स्मरणमा हरेक वर्ष असार १६ गतेका दिन संसद दिवस मनाउने गरिन्छ।

दिवसका अवसरमा संघीय संसद भवन नयाँ वानेश्वरमा पूर्व सांसद मञ्चले संसद दिवस विशेष कार्यक्रम आयोजना गरेको छ। यसैबीच सभामुख अग्निप्रसाद सापकोटाले दुईपटकको संसद विघटन, कोभिड संकटलगायतका विभिन्न समस्याहरुका बीचबाट संसदले आफ्ना कार्य निरन्तर अघि बढाइरहेको दाबी गरेका छन् ।

संसद दिवसका अवसरमा शुभकामना सन्देश जारी गर्दै सापकोटाले आफ्ना सामु संघीय संसदमा विचाराधीन नागरिकता लगायतका महत्वपूर्ण विधेयकहरु पारित गर्नुपर्ने र लोकतन्त्रको लाभ जनतासम्म पुर्याउनुपर्ने अभिभारा रहेको उल्लेख गरेका छन्।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #२०१६ असार १६, #संसद दिवस