रवि लामिछानेले आज राष्ट्रिय सभागृहबाट उमेद्वारी घोषणा गर्दै

खोज पत्रिका मङ्लबार, २०७९ असार ७, १५ :४१ बजे

काठमाडौं । रवि लामिछानेले आज उमेद्वारी घोषणा गर्दैछन् । राष्ट्रिय सभागृहमा हुने कार्यक्रममा उनले औपचारिक रुपमा उमेद्वारी घोषणा गर्न लागेका हुन् ।

ग्यालेक्सी टेलिभिजनबाट राजीनामा दिएका लामिछानेले आगामी प्रतिनिधिसभाको चुनावमा काठमाडौंबाट उम्मेदवारी दिन चाहेका छन् । तर, स्वतन्त्र लड्ने वा कुनै पार्टीबाट भन्ने अहिलेसम्म खुलाएका छैनन् ।

पार्टी प्रवेश गर्ने वा स्वतन्त्र लड्नेभन्दा आफैँले पार्टी निर्माण गर्ने निधोमा लामिछाने पुगेको बताइएको छ । संघीय चुनावमा समानुपातिकतर्फ आफ्नो पार्टीले राम्रो नतिजा ल्याउने अपेक्षासहित उनले यो निर्णय लिएको बुझिएको छ ।

रविले काठमाडौंको बसुन्धारामा आफ्नो कार्यालय स्थापना गरिसकेका छन् । ग्यालेक्सी टेलिभिजनबाट राजीनामा दिएपछि उनले कार्यालय खोलेर चुनावी अभियान सुरु गरिसकेका छन् ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #प्रतिनिधिसभाको चुनाव, #रवि लामिछाने