Techie IT
  • १९ असार २०७९, आईतबार
KhojPatrika

देउराली सहकारी संस्थाको काउण्टर सोमबारदेखि खुल्ने, अफवाहमा नपर्न सेवाग्राहीलाई अपिल


काठमाडौं । ललितपुरको सातदोबाटोस्थित देउराली बहुउदेश्यीय सहकारी संस्थाले सोमबारदेखि नियमित सेवा सुरु गर्ने भएको छ । सहकारी डुब्न लागेको भन्ने अफवाह फैलाइएको भन्दै सहकारीले सोमबारदेखि नियमित काम सुरु गर्ने बताएको हो ।

कोरोना महामारीका कारण नेपाली अर्थतन्त्र र बैकिङ क्षेत्रमा परेको समस्यालाई तत्काल समाधान गर्ने गरी काम अघि बढाउन लागिएको सहकारीले एक बिज्ञप्ती जारी गरी जनाएको छ ।

केही महिनादेखि सातदोबाटो कार्यालयबाट दिन प्रतिदिन ठुलो धन राशी भुक्तानी हुन गएको र सस्थाले सहकारीको मर्म अनुरुप जगेडा कोषमा जम्मा गरेको रकम समेत भुक्तानी हुन गएका कारण अव आन्तरिक बाह्य र विबिध स्रोतबाट तरलता ब्यबस्थापनमा लागि परेको बचतकर्ता तथा शेयर सदस्यहरुलाई सहकारीले जानकारी दिएको छ ।

सातदोबाटोको केन्द्रीय कार्यालयबाट प्रबाह भइरहेको नगद भुक्तानी ३ दिनको लागि मात्र बन्द गरेको कुरालाई केही सञ्चार माध्यमले कपोकल्पित र तथ्यहिन समाचार प्रकाशित गरेको समेत सहकारीले दाबी गरेको छ ।

सोमबार बाट नियमित काउन्टर खुल्ने र असार मसान्तसम्म आंक्षिक भुक्तानी र यो आर्थिक बर्षको अन्त्य र नयाँ आर्थिक बर्षको सुरुसंगै सहकारीलाई पूर्वबत अवस्थामा सञ्चालन गर्ने सञ्चालकले प्रतिबद्धता समेत जनाएका छन् ।


क्याटेगोरी : अर्थ, देश/दुनियाँ, प्रमुख समाचार, राजनीति, समाचार
ट्याग : #जगेडा कोष, #देउराली बहुउदेश्यीय सहकारी

तपाईको कमेन्ट लेख्नुहोस्