दुर्गा प्रसाईंले पाए दुबईका राजकुमारबाट सुनको लौरो उपहार

खोज पत्रिका शनिबार, २०७९ असार ४, १६ :४० बजे

काठमाडौं । नेकपा एमालेका केन्द्रीय सदस्य एवम् मेडिकल व्यवसायी दुर्गा प्रसाईंले सुनको लौरो उपहार पाएका छन् । तीन दिने भ्रमणका लागि नेपाल आएका दुबईका राजकुमार जुमा अल मोक्तुमले दुर्गा प्रसाईंलाई सुनको लौरो उपहार दिएका हुन् ।

श्री एयरलाइन्सको चार्टर्ड विमान मार्फत चन्द्रगढी विमानस्थल अवतरण गरेका राजकुमारलाई दुर्गा प्रसाईंले स्वागत गरेका थिए । प्रसाईंलाई राजकुमारले विमानस्थलमै सुनको लौरो हस्तान्तरण गरेका हुन्। राजकुमार झापामा दुई दिन बस्ने भ्रमण कार्यतालिका रहेको छ।

राजकुमार मोक्तुमले बिर्तामोडमा रहेको बिएण्डसी तथा पुर्वाञ्चल क्यानसर अस्पतालको अवलोकनका साथै पेट सम्बन्धीको सिटी स्क्यान मेसीनको समेत उद्घाटन गर्ने छन्। दुर्गा प्रसाईको निमन्त्रणामा राजकुमार नेपाल आएको सो अस्पतालको सूचना शाखाले जनाएको छ। राजकुमार झापासँगै काठमाडौं र पोखराको भ्रमण गर्ने कार्यतालिका छ।