राज्यमन्त्री विमला वली प्रेमीको घरमा पुगी तोडफोड, श्रीमती र छोरीलाई कुटिन(फोटोसहित)

खोज पत्रिका मङ्लबार, २०७९ जेष्ठ ३१, १० :४८ बजे

काठमाडौं । लुम्बिनी प्रदेशकी स्वास्थ्य राज्यमन्त्री विमलाकुमारी वलीले दाङको तुलसीपुरमा ताण्डप मच्चाएकी छन् । आफ्नो ‘प्रेमी’ को घर भन्दै भित्र छिरेर आतंक मच्चाएपछि वलीलाई प्रहरीले नियन्त्रणमा लिएर जिप्रका तुलसीपुरमा राखेको छ ।

मन्त्री वली आफ्ना एक पीएसओसहित प्रेमी एकराज बस्नेको तुलसीपुर–५ बसपार्क आलुमण्डीमा रहेको घरमा मंगलबार बिहान प्रवेश गरेकी थिइन् । घरभित्र छिरेर उनले ‘मेरो एकराज खोइ ?’ भन्दै एकराजकी श्रीमती र छोरीलाई समेत कुटपिट गरेको स्थानीयले बताएका छन् ।

उनले कोठाभित्रको दराजसमेत तोडफोड गरेकी छन् । घटना हुँदा एकराज घरमा थिएनन् । उनका आफन्तहरुले प्रहरीलाई खबर गरेका थिए । इप्रका तुलसीपुरबाट प्रहरी टोली आएर विमलालाई नियन्त्रणमा लिएको थियो ।

गत वर्ष भदौमा विमला वलीले आफ्नो फेसबुक स्टोरीमा एकराजलाई चुम्बन गरिरहेको फोटो राखेकी थिइन । त्यतिबेला उनको चौतर्फी आलोचना हुँदा समेत आफनो भाई भन्दै बचाउ गरेकी थिइन ।

विमलाका श्रीमानको दुर्घटनामा मृत्यु भएपछि उनी विवाहित पुरुष एकराजसँग नजिकिएकी हुन् । प्रेमीको घर भन्दै मन्त्रीको यो हर्कत देखेर सबै आश्चार्यमा परेका छन् ।