लोभ, लालच, आश्वासन वा दबाबमा नपरी मतदान गर्न प्रमुख निर्वाचन आयुक्त थपलियाको आग्रह

काठमाडौं । प्रमुख निर्वाचन आयुक्त दिनेश थपलियाले कसैको लोभ, लालच, आश्वासन वा दबाबमा नपरी विवेकपूर्वक मतदान गर्न आग्रह गरेका छन् । बिहिबार निर्वाचन आयोगद्वारा आयोजित पत्रकार सम्मेलनमा पद, पैसा र पहुँचबाट प्रभावित नभई निष्ठा, विचार र सिद्धान्तको आधारमा मतदान गर्न उनले आग्रह गरेका हुन् ।

‘लोकतन्त्रको सार्थक अभ्यास गर्ने माध्यम निर्वाचन हो,’ निर्वाचनको पूर्व सन्ध्यामा प्रमुख निर्वाचन आयुक्त थपलियाले भने, ‘पद, पैसा र पहुँचबाट प्रभावित नभई निष्ठा, विचार र सिद्धान्तमार्फत निर्देशित भई कसैको लोभ लालच, आश्वासन वा अन्य कुनै दबाबमा नपरी विवेकको मत सही ठाउँमा सही तरिकाले प्रयोग गर्न हार्दिक आह्वान गर्दछु ।

’ थपलियाले मतदान शान्तिपूर्ण रुपमा सम्पन्न गर्ने तयारी पूरा भइसकेको बताए । मतदान सम्पन्न भएपछि सुरक्षित तरिकाले पुर्याउने र तत्काल मतगणना गर्ने तयारी समेत भएको जानकारी दिए । निर्वाचन लोकतन्त्रको सार्थक अभ्यास गर्ने माध्यम भएकाले मतदान कार्यलाई सफल बनाउन समेत आग्रह गरेका छन् ।

थप समाचार

जेठमा थपियो ३२ अर्ब ऋण

प्रतिनिधिसभाको बैठक बस्दै, प्रधानमन्त्रीसँग प्रश्नोत्तर

त्रिदेशीय टी–२० आई शृंखलाः अन्तिम खेलमा नेपाल र स्कटल्याण्ड खेल्दै

पूर्वी नवलपरासीमा बाढीले बस बगायो, यात्रुको सकुशल उद्धार

माग थाती राख्दै सुनचाँदी व्यवसायीले खोले पसल

ट्रम्पले गरे इरानमाथि आक्रमण गर्ने योजना स्वीकृत