सलमान खान नेपाल आउनुअघि मन्त्री प्रेम आलेले भर्चुअल संवाद गर्ने

काठमाडौं । संस्कृति पर्यटन तथा नागरिक उड्डयन मन्त्री प्रेम आलेले नेपाल आउन लागेका बलिउड अभिनेता सलमान खानसँग भर्चुअल कुराकानी गर्ने भएका छन् । नेपालको पर्यटन प्रवर्द्धन तथा नेपाल भारतबिचको सांस्कृतिक सम्बन्धका बारेमा भर्चुअल संवाद हुने जानकारी दिइएको छ ।

सलमान खान आगामी जेठ १४ गते दशरथ रंगशालामा आफनो दिन आउँदैछन् । सलमानलाई नेपाल ल्याउन लागेको ओडिसी इन्टरटेनमेन्टले त्यसअघि मन्त्री आलेसहितको भर्चुअल संवादमा सलमान सहभागी हुने बताएको हो । सलानसँग पत्रकारहरूलाई पनि सवाल जवाफमा भाग लिन दिइनेछ । यसैबीच मन्त्री आलेले सलमान खान नेपाल आउँनु नै पर्यटन प्रवर्द्धनका लागि महत्त्वपूर्ण अवसर भएको बताए ।

आलेले सलमानलाई नेपाल ल्याउन आफूले पनि चासो दिएको र यसबाट पर्यटक भारतीय भित्र्याउन राम्रो अवसर सिर्जना हुने दाबी गरे । आलेले कोभिडका कारण ठप्प भएको नेपालको पर्यटन पुनः ब्युँताउन यस्तै खाले रचनात्मक काम अघि बढाइने बताए । कलाकार लगायतलाई पेश्की रकम पठाउन राष्ट्र बैंकलाई विदेशी मुद्रा सटहीको अनुमति लगायतका प्रक्रियामा आलेले मन्त्रालयबाट सहजीकरण गरेका हुन् ।

थप समाचार

रास्वपा र विवेकशील साझा पार्टीबीच एकता घोषणा

ओलीको आग्रहः प्रतिस्पर्धा गर्ने छुट सबैलाई छ, सकेसम्म सहमतिमै जाऔं

घट्दो क्रममा एचआईभी संक्रमित, हाल ३४ हजार ३३७ जना व्यक्तिमा…

एमालेको एघारौँ राष्ट्रिय महाधिवेशनको प्रतिक चिन्ह सार्वजनिक

गैरआवासीय नेपालीलाई प्रधानमन्त्रीको सुझावः नेपालमा पनि टेक्ने ठाउँ राख्नुस्

अहिलेको उपलब्धी संघीय लोकतान्त्रिक गणतन्त्रलाई टेकेर आएको होः अध्यक्ष दाहाल