यसबर्षको महामूर्खको उपाधि डा. भोगेन्द्र झालाई

काठमाडौं । यसबर्षको महामुर्खको उपाधि मधेस प्रदेशका नीति तथा योजना आयोगका उपाध्यक्ष डाक्टर भोगेन्द्र झालाई दिइएको छ । शुक्रबार जनकपुरधाममा मिथिला नाट्यकला परिषदले फागु महोत्सवको अवसरमा आयोजना गरेको महामूर्ख सम्मेलनबाट उपाध्यक्ष डा. झालाई महामूर्ख घोषणा गरिएको हो । हरेक वर्षझैँ यस वर्षपनि महामूर्ख सम्मेलनमा समाजसेवी, बुद्धिजिवी, राजनीतिककर्मी, मन्त्री, प्रदेशसभा सदस्य, जनप्रतिनिधिहरु लगायत दर्जनौं विशिष्ट व्यक्तिहरुलाई समावेशी ढंगबाट अन्य विभिन्न उपाधि समेत प्रदान गरिएको छ ।

सहभागी सबै आ–आफ्नो मुर्खत्वको उपाधि पाउनका लागि लालायित हुने गर्छन । मिनापले प्रत्येक वर्ष समाजमा विभिन्न माध्यमबाट योगदान पुर्याए वापत १० जनादेखि १७ जनासम्मलाई मूर्खको उपाधि दिँदै आएको छ । जसअनुसार ११ जनालाई मूर्खको उपाधि दिइयो । सो मध्येबाट पनि एक जनालाई महामूर्खको उपाधि दिइन्छ । महामूर्ख घोषित झालाई प्रशंसा पत्र, मिथिला चित्रकला, फूल तथा विभिन्न तरकारी मिश्रित माला तथा दोसल्ला ओढाएर सम्मानित गरियो ।

प्रदेशसभा सदस्य मञ्जु यादवलाई मूर्खको अदल बदली उपाधि, नेपाली काँग्रेस जनकपुरधाम उपमहानगरका नगर उपसभापति राकेश बिक्रम साहलाई टिटही उपाधि, मिथिला चित्रकार मनिषा साहलाई गन्हकी उपाधि, मिथिला वाइल्डलाईफ ट्रस्टका अध्यक्ष देवनारायण मण्डललाई हराशंख उपाधि प्रदान गरिएको छ ।

यस्तै नेपाल पत्रकार महासंघ धनुषा शाखाकी अध्यक्ष मनिका झालाई दिलतोरिया उपाधि, अधिवक्ता सुदिप कोइरालालाई गोबर गणेश उपाधि, गिद्धाबेलापट्टी विद्यालयका प्रधानाध्यापक पवन मण्डललाई डपोर शंख उपाधि, वरिष्ठ कलाकार रामरेखा पण्डितलाई बज्रकिट उपाधि, जनकपुरधाममा मिथिला चित्रकलाको शुरुवात गरेकी मिथिलेश्वरी कर्णलाई लालबुझकड उपाधि, व्यवसायी अभिशेष चौधरीलाई बोतलानन्द उपाधि र जनकपुरधाम उपमहानगरपालिकाका प्रमुख प्रशासकीय अधिकृत प्रद्युम्न उपाध्यायलाई वैशाखनन्दनको उपाधि दिइएको छ ।

थप समाचार

जेठमा थपियो ३२ अर्ब ऋण

प्रतिनिधिसभाको बैठक बस्दै, प्रधानमन्त्रीसँग प्रश्नोत्तर

त्रिदेशीय टी–२० आई शृंखलाः अन्तिम खेलमा नेपाल र स्कटल्याण्ड खेल्दै

पूर्वी नवलपरासीमा बाढीले बस बगायो, यात्रुको सकुशल उद्धार

माग थाती राख्दै सुनचाँदी व्यवसायीले खोले पसल

ट्रम्पले गरे इरानमाथि आक्रमण गर्ने योजना स्वीकृत