निजामती कर्मचारी युनियनको केन्द्रीय सदस्यमा निर्मला शर्मा निर्बिरोध निर्वाचित

खोज पत्रिका सोमवार, २०७८ फाल्गुन २३, १३ :०३ बजे

काठमाडौं । नेपाल निजामती कर्मचारी युनियनको केन्द्रीय सदस्यमा निर्मला शर्मा निर्बिरोध निर्वाचित भएकी छन् । शनिबारदेखि जारी युनियनको आँठौ महाधिवेशन मा युवा महिला केन्द्रीय सदस्यमा निर्बिरोध निर्बाचित भएकी हुन् ।

जिल्ला अदालत रुकुमपूर्वमा कार्यरत शर्माको बिपक्षमा कुनै पनि उमेद्वार नपरेका कारण निर्वाचित भएको बताइएको छ । पत्रकारिताबाट २०७५ सालमा निजामति सेवामा प्रवेश गरेकी शर्माले युनियनका प्रतिनिधि तथा पूर्वपदाधिकारीको सहयोगलाई धन्यवाद दिएकी छन् ।

उनले इमान्दार कर्मचारीका रुपमा काम गर्दै निजामती कर्मचारीहरुको हक हित र संरक्षणमा आवाज उठाउने प्रतिबद्धता जनाएकी छन् । निजामती क्षेत्रमा देखिएका बिकृति र समस्यालाई समाधानका लागि युनियनका पदाधिकारीलाई सहयोग गर्ने बताएकी छन् ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #केन्द्रीय सदस्य, #निर्मला शर्मा निर्बिरोध