मन्त्री आलेको अर्को उपलब्धि, गौतमबुद्ध अन्तर्राष्ट्रिय विमानस्थलमा बैशाख १ देखि उडान

काठमाडौं । संस्कृति, पर्यटन तथा नागरिक उड्डयनमन्त्री प्रेमबहादुर आलेले आगामी वैशाख १ गतेदेखि गौतमबुद्ध अन्तर्राष्ट्रिय विमानस्थल भैरहवाबाट अन्तर्राष्ट्रिय उडान सुरु हुने बताएका छन् । शनिबार विमानस्थलको अनुगमन तथा निरीक्षणका लागि भैरहवा पुगेका मन्त्री आलेले गौतमबुद्ध अन्तर्राष्ट्रिय विमानस्थलबाट २०७९ सालको सुरुवातीदेखी नै अन्तर्राष्ट्रिय उडान सुरु हुने जानकारि दिएका हुन ।

मन्त्री आलेले निरिक्षणका क्रममा भने, “हामी गौतमबुद्ध अन्तर्राष्ट्रिय विमानस्थलबाट सिधा रुपमा अन्तर्राष्ट्रिय उडान गर्ने तयारीमा छौँ, अन्तर्राष्ट्रिय उडान सुरु भए यहाँका नागरिकलाई सहज हुने छ ।” मन्त्री आलेले भारतसँग सिधा रुट अनुमती लिनका लागि लिमा ६२६ का विषयमा पहल भइरहेको जानकारी समेत दिएका छन् । भारतीय नागरिक उड्डयनमन्त्री सकारात्मक भएकाले यो समस्या चाँडै समाधान हुने मन्त्री आलेले जानकारी दिएका थिए । गौतमबुद्ध अन्तर्राष्ट्रिय विमानस्थल देशको दोस्रो ठूलो अन्तर्राष्ट्रिय विमानस्थल भएकाले यहाँबाट अन्तर्राष्ट्रिय उडान सुरु भए काठमाडौंको एअर–ट्राफिकको समस्या समाधान हुने मन्त्री आलेको दाबी थियो ।

“भैरहवा नजिकै शान्ति दुत गौतमबुद्ध जन्मिनु भएको स्थल लुम्बीनी भएकाले यहाँबाट अन्तर्राष्ट्रिय उडान सुरु भए हजारौँ बुद्धिष्ट तथा लाखौँ पर्यटकहरुको आवागमन सहज हुने मन्त्री आलेले बताए । गौतमबुद्ध अन्तर्राष्ट्रिय विमानस्थललाई यथासक्य छिटो सूचारु गराएर पश्चिम नेपालका नागरिकहरुको विदेश यात्राका लागि काठमाडौै धाउनुपर्ने बाध्यता समाधान गर्नेतर्फ आफ्नो प्रयास जारी रहने मन्त्री आलेले विश्वास दिलाए ।

विमानस्थलको भौतिक निर्माणको काम सम्पन्न भइसकेपश्चात अहिले प्राविधिक परिक्षणका लागि क्यालिब्रेशन फ्लाइटको काम भैरहेको छ । करिब ७ देखि १० दिनसम्म एरो थाइको विमानले क्यालिब्रेशन फ्लाइटको काम सम्पन्न गरेपनि नेपाल एयरलाइन्सबाट नियमित उडान सुरु हुने बताइएको छ । उडान तालिका समेत सार्वजनिक गर्न बाँकी छ ।

थप समाचार

रवीन्द्र मिश्र तीन लाख धरौटीमा रिहा

धरानका मेयर–उपमेयरबीच चर्कियो विवाद, उपमहानगरभित्रै कुटाकुट

दिलभूषण पाठकका नाममा उपस्थित हुन साइबर ब्यूरोले जारी गर्‍यो सूचना

जिल्ला अदालत काठमाडौंमा हाजिर भए रवीन्द्र मिश्र

इजरायल–इरान तनावले जी–सेभेन बैठक प्रभावित

काठमाडौं महानगरभित्र भदौ मसान्तसम्म सडक र फुटपाथ खन्न लगाइयो रोक