पर्यटनमन्त्री प्रेम आले अस्पताल पुगे सत्यमोहन जोशीलाई भेट्न

खोज पत्रिका शुक्रबार, २०७८ माघ २८, १३ :२० बजे

काठमाडौं । संस्कृति,पर्यटन तथा नागरिक उड्डयनमन्त्री प्रेम आले वाङ्मय शताब्दी पुरुष सत्यमोहन जोशीलाई भेट्न अस्पताल पुगेका छन् । मन्त्री आलेले छातीको समस्याले ललितपुरको इमाडोलस्थित किस्ट मेडिकल कलेजमा उपचार गराइरहेका जोशीको स्वास्थ्य अवस्थाको जानकारी लिन अस्पताल पुगेका हुन् ।

जोशीको उपचारको सम्पूर्ण खर्च किस्ट मेडिकल कलेज तथा शिक्षण अस्पतालले व्यहोरिरहेको छ । तर, मन्त्री आलेले जोशीको उपचारमा आफूले सहयोग गर्न अस्पताल प्रशासनसँग इच्छा राखेका थिए । जोशीको स्वास्थ्य अवस्था सामान्य रहेको छ ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #प्रेम आले, #सत्यमोहन जोशी