बझाङमा वडा अध्यक्ष र सचिवलाई विप्लव कार्यकार्यताले दले कालो मोसो

खोज पत्रिका मङ्लबार, २०७८ माघ ११, ०२ :१३ बजे

काठमाडौं । नेत्रविक्रम चन्द विप्लव नेतृत्वको नेपाल कम्युनिष्ट पार्टीनिकट अनेरास्वियु क्रान्तिकारीका कार्यकर्ताले बित्थडचिर गाँउपालिका ८ का वडाध्यक्ष जयबहादुर मल्ल र वडासचिव दत्तराम अवस्थीलाई कालो मोसो दलेका छन् ।

वडाको योजना करोडौं भ्रष्टाचार गरेको, कमिशन दिनेलाई मात्र उपभोक्ता समितिमा राखेको, मृतकको नाममा सामाजिक सुरक्षाभत्ता दुरुपयोग गरेकोलगायत आधा दर्जनभन्दा बढी आरोप लगाउँदै मोसो दलेको अनेरास्वियु क्रान्तिकारीद्वारा प्रकाशित विज्ञप्तिमा उल्लेख छ ।

अनेरास्वियु क्रान्तिकारी सधैं जनताको पक्षमा रहेको बताउँदै स्थानीयको रिपोर्ट र संगठनको अध्ययनको आधारमा जनहितविपरित कार्य गरेको ठहर गर्दै कारबाही गरिएको दाबी गरिएको छ । वडाध्यक्ष र सचिवलाई नै कालोमोसो दलेपछि अन्य दलहरुले आलोचना गरेका छन् ।