प्रधानमन्त्री देउवा र एमाले अध्यक्ष ओलीबीच भेटवार्ता,अव खुल्ला त संसद अवरोध

खोज पत्रिका शनिबार, २०७८ पुस २४, १८ :४५ बजे

काठमाडौं । प्रधानमन्त्री शेरबहादुर देउवा र प्रमुख प्रतिपक्षी नेकपा एमालेका अध्यक्ष केपी शर्मा ओलीबीच भेटवार्ता भएको छ । प्रधानमन्त्री देउवा भेटवार्ता गर्न ओलीनिवासमा बालकोट पुगेका थिए । दुई नेताबीच करिब एक घण्टा कुराकानी भएको थियो ।

निरन्तर संसद अवरोध गरिराखेपछि र सर्वदलीय बैठकमा समेत ओली सहभागी नभएपछि सत्तारुढ गठबन्धनको हिजो बसेको बैठकले निवासमै गएर उनलाई मनाउने जिम्मा गर्न प्रधानमन्त्री देउवालाई दिएको थियो । जसअनुसार देउवा ओलीलाई भेट्न उनकै निवास पुगेका हुन् ।

आफूलाई सरकारबाट विस्थापित गरेकोमा, एमाले फुटाउन अध्योदश ल्याएकोमा र त्यसमा सभामुखले समेत सहयोगी भूमिका खेलेको भन्दै ओली निकै रुष्ट छन् । एमाले विभाजित भएर बनेको एकीकृत समाजवादीलाई अवैध भन्दै एमालेले निरन्तर संसद अवरोध गरिरहेको छ । देउवा र ओलीबीच सहमति भयो या भएन भन्ने कुनै कुरा खुलाइएको छैन । त्यस्तै अमेरिकी सहयोग परियोजना एमसीसीबारेको छलफलमा पनि एमाले सहभागी हुने गरेको छैन ।

क्याटेगोरी : देश/दुनियाँ, प्रमुख समाचार, राजनीति, समाचार