अमेरिकापछि क्यानडा, अस्ट्रेलिया र बेलायतले पनि बेइजिङ ओलम्पिकको बहिस्कार गर्ने

काठमाडौं । अमेरिकापछि क्यानडा, अस्ट्रेलिया र बेलायतले पनि चीनमा अघिल्लो वर्ष हुने बेइजिङ ओलम्पिकको कुटनीतिक बहिस्कार गर्ने निर्णय लिएका छन् । चीनमा मानव अधिकारको खराव अवस्थालाई कारण देखाउँदै यी देशहरुले पनि कुटनीतिक बहिस्कार गर्ने निर्णय गरेको दाबी गरेका छन ।

क्यानडाका प्रधानमन्त्री जस्टिन ट्रुडे औले खेलमा अफिसियल डेलिगेशन नपठाउने बताएका छन् । उनले यो निर्णय ’चीनका लागि सप्राइजका रुपमा नआएको’ बताएका हुन् । यद्यपि क्यानडाका खेलाडीले भने प्रतियोगितामा सहभागिता जनाउने उनले स्पस्ट पारेका छन् । त्यस्तै अस्ट्रेलियाका प्रधानमन्त्री स्कट मोरिसनले शिन्जियाङमा मानवअधिकार उल्लङघनका घटनाहरु हुने गरेको दाबी गरेका छन ।

त्यस्तै बेलायतका प्रधानमन्त्री बोरिस जोनसनले संसदमा बोल्दै बेइजिङ ओलम्पिकको कुटनीतिक बहिस्कार हुने र त्यहाँ कुनै मन्त्रीहरुको उपस्थिति नहुने बताएका थिए । यसअघि अमेरिकाले पनि चीनमा हुने ओलम्पिकमा कुटनीतिक बहिस्कार गर्ने निर्णय लिएको थियो ।

यसअघि अमेरिकाले सन् १९८० को मस्को ओलम्पिकमा सोभियत युनियनमा अफगानिस्तान माथिको ब्यवहारलाई देखाउँदै बहिस्कार गरेको थियो । त्यतिबेला खेलाडीहरुलाई पनि फिर्ता बोलाएको थियो । बेइजिङमा अर्को वर्ष फेब्रअरीबाट शीतकालीन ओलम्पिक सुरु हुँदैछ ।

थप समाचार

डा.बाबुराम भट्टराईको प्रस्ताव प्रत्यक्ष निर्वाचित राष्ट्रपति, सांसद मन्त्री बन्न नपाउने

लुम्बिनी प्रदेशको बजेट आइबार आउँदै, चालू आवभन्दा घटाइँदै

मन्त्री पन्तले भने निजी विद्यालयलाई निषेध गरेर जान सकिँदैन

०८३ को मंसिर अघि नै महाधिवेशन हुन्छः गगन थापा

जनार्दन शर्मालाई पार्टी छोड्न नभनेको प्रचण्डको दाबी

कंगोमा डुङ्गा डुब्दा कम्तीमा ५४ जनाको मृत्यु