काँग्रेस महाधिबेशनः प्रतिनिधिलाई भृकुटीमण्डपमा खाजा र खाना, होटलमा ८ सयको सुत्ने खाट

खोज पत्रिका मङ्लबार, २०७८ मंसिर २१, १० :३१ बजे

काठमाडौं । नेपाली काँग्रेसले १४ औं महाधिवेशनमा भाग लिन काठमाडौं आउने महाधिवेशन प्रतिनिधिहरूका लागि भोजन र आवासको ब्यवस्था मिलाएको छ । महाधिवेशनमा खान र बस्नका लागि मात्रै करिब साढे तीन करोड खर्च लाग्ने कांग्रेसले अनुमान गरेको छ । मंसिर २४–२७ मा काठमाडौंको भृकुटीमण्डपमा हुने महाधिवेशनमा सहभागी प्रतिनिधिहरूका लागि गाँस र बासको व्यवस्थापन मिलाइसकिएको भोजन तथा आवास व्यवस्थापन समितिले धमाधम काम गरिरहेको छ ।

प्रतिनिधिहरूको बाटो खर्च सम्बन्धित व्यक्ति वा जिल्लाबाटै व्यहोर्ने नीति लिएको छ भने महाधिवेशन प्रतिनिधिहरूलाई निश्चित अवधिसम्म आवास र खाना खर्च पार्टीले व्यहोर्ने छ । खानाको मेन्युमा बिहान खाजा र खाना अनि दिउँसो चिया र बेलुकाको खाना महाधिवेशनस्थल भृकुटीमण्डपमै मिलाइनेछ । होटलमा प्रतिनिधिले सुत्नमात्रै पाउने छन् । काँग्रेसले महाधिवेशन प्रतिनिधिका लागि काठमाडौंका करिब ८ सय वटा होटलहरू बुकिङ गरेको छ ।

प्रतिनिधिको आवासका लागि ४५ सय बढी बेडको व्यवस्था गरिएको छ । प्रतिनिधिका लागि काठमाडौंमा करिब एक सयवटा होटेल बुकिङ गर्नुपर्नेछ । भोजनका लागि दुईवटा फुडल्याण्ड र आवासका लागि करिब सयवटा होटेलको व्यवस्था गरिदैछ । महाधिवेशन प्रतिनिधिलाई २३ गतेदेखि २७ गतेसम्म आवास र २४ गतेदेखि भोजनको व्यवस्था मिलाएको छ ।

प्रतिनिधिको खानपिनको व्यवस्था भृकुटीमण्डपमै गरिनेछ । टुरिस्ट स्ट्याण्डरको होटलमा बेडहरू बुकिङ गरिएको छ । पछिल्लो समय सीसीएमसीले होटेल आइसोलेसनमा बस्नका लागि बनाएको मापदण्डअनुसारको होटेलमा महाधिवेशन प्रतिनिधिलाई सुताइनेछ । मापदण्डको होटेलमा सालाखाला ८ सयका दरले बेडहरू बुकिङ गरिएको छ । विदेशबाट आउने अथितिको व्यवस्था मिलाउन बाँकी छ ।

क्याटेगोरी : अर्थ, प्रमुख समाचार, राजनीति, समाचार
ट्याग : #१४ औं काँग्रेस महाधिबेशनः