Techie IT
  • १६ मंसीर २०७८, बिहीबार
KhojPatrika

स्वीस बैंकमा नेपालीले पैसा जम्मा गर्ने क्रम बढ्दो, अहिलेसम्म ४६ अर्ब ६४ करोड बचत


काठमाडौं । नेपालीहरुले स्वीट्जरल्यान्डको केन्द्रीय बैंक (स्वीस नेसनल बैंक)मा पैसा जम्मा गर्ने संख्या बढेको छ । बैंकले सार्वजनिक गरेको पछिल्लो वार्षिक विवरण अनुसार नेपाल, भारत लगायतका मुलुकका नागरिकले गरेको बचतमा वृद्धि भएको हो । गतबर्ष सार्वजनिक गरिएको विवरणमा सन् २०२० मा नेपालीको स्वीस बैंकमा अहिलेको विनिमय दरअनुसार ४६ अर्ब ६४ करोड बचत रहेको उल्लेख छ ।

सन् २०१९ मा स्वीस बैंकमा नेपालीले २२ अर्ब ७३ करोड बचत गरेको विवरण समेत जारी प्रतिवेदनमा उल्लेख छ । सन् २०२० मा भारतीयले स्वीस बैंकमा २०,७०० करोड भारु बचत गरेको पनि जनाइएको छ । भारतीय बचत १३ वर्ष यताकै उच्च रहेको अन्तर्राष्ट्रिय संचारमाध्यमले जनाएका छन् । नेपालीको बचत भने सन् २०२० मा दोब्बर भएको देखिन्छ । यो रकम ब्याजसहितको भएको बताइएको छ । स्वीस बैंकले बचतकर्ताको गोपनियता कायम राख्ने भएकाले बचतकर्ताको नाम र कति संख्या भन्ने उल्लेख हुँदैन ।

वित्तिय जोखिम समेत कम हुने भएकाले बचतकर्ताको आकर्षण स्वीस बैंकमा हुने गरेको छ । २२४ देशका नागरिकले स्वीस बैंकमा रकम बचत गरेको देखिन्छ । कतिपय अन्तर्राष्ट्रिय निकायले सम्पत्ति शुद्धीकरणको मामिलामा सघाउन र पारदर्शीमा लचिलो बन्न स्वीस बैंकलाई दबाब दिने गरेका छन् । नेपालका उच्च घरानिया तथा नेताहरुले समेत स्वीस बैंकमा पैसा जम्मा गरेको आरोप बेला बेला लाग्दै आएको छ ।


क्याटेगोरी : अर्थ, देश/दुनियाँ, प्रमुख समाचार, राजनीति, समाचार
ट्याग : #नेपाली, #स्वीस नेसनल बैंक), #स्वीस बैंकमा नेपाली

तपाईको कमेन्ट लेख्नुहोस्