ल्यायो नेपाली सेनाले स्वास्थ्य सामग्री

काठमाडौं ३ जेठ । नेपाली सेनाले कोरोना उपचारका लागि स्थलमार्गबाट स्वास्थ्य सामग्री ल्याएको छ । कोरोना भाइरसको महामारी रोकथाम तथा नियन्त्रणका लागि नेपाली सेनाले खरिद गरेको स्वास्थ्य सामग्री काठमाडौँ आइपुगेको हो । चीनको होङ्जुबाट १० कन्टेनर स्वास्थ्य सामग्री तातोपानी नाका हुँदै स्थलमार्गबाट काठमाडौं ल्याइएको नेपाली सेनाले जनाएको छ । सरकारले ओम्नी समूहसँग गरेको स्वास्थ्य सामग्री खरिद सम्झौता विवादमा परेपछि उक्त सम्झौता रद्द गर्दै सरकारले जीटुजी मार्फत स्वास्थ्य सामग्री खरिद गर्ने निर्णय गरेको थियो। सरकारले उक्त स्वास्थ्य सामग्री खरिदको जिम्मा नेपाली सेनालाई दिएको थियो। सोही प्रक्रिया अन्तर्गत चीनसँग खरिद गरिएको पहिलो चरणमा स्वास्थ्य सामग्री काठमाडौँ आइपुगेको हो। चीनसँगको खरिद सम्झौता अन्तर्गत ३ सय ४३ टन स्वास्थ्य सामग्री नेपाल ल्याइने छ। त्यसका लागि नेपाल वायुसेवा निगमको विमान सोमबार चीनको ग्वान्जाओ जाने बताइएको छ।

थप समाचार

सरकारले नै विस्थापित सुकुम्वासीलाई आज र भोलि खानाको व्यवस्था गर्ने

हेडसरलाई थर्काएको रास्वपा सांसद विश्वराज पोखरेलको भिडियो भाइरल, चौतर्फी आलोचना

चल्यो सुकुम्बासी बस्तीमा डोजर,सरकारलाई सघाउदै निस्किए सुकुम्बासी, ५ स्थानमा बासस्थान

जानकी नवमीः मिथिलाको गौरव र माता जानकीको प्रादुर्भाव

रविलाई हर्कले सोधे–सुकुमबासीलाई धनीपूर्जा दिने बाचा गरेर चुपचाप घण्टीमा छाप…

वैशाख ११ अर्थात् लोकतन्त्र दिवस