नेकपाको स्थायी समिति बैठक बुधबार

काठमाडौं ३० बैशाख । बिवादमा रुमल्लिएको सत्तारुढ नेकपाले बुधबारका लागि स्थायी समितिको बैठक बोलाएको छ । बुधबार बिहान ११ बजे पार्टी कार्यालय धुम्बाराहीमा स्थायी कमिटीको बैठक बोलाएको हो । सरकारले जारी गरेका दुई अध्यादेश प्रकरणपछि आन्तरिक विवाद बढेकाले यो बैठक स्थगित गरिएको थियो । वैशाख २५ का लागि बोलाइएको बैठक अघिल्लो दिन स्थगित भएको थियो । स्थायी कमिटी बैठकका एजेन्डा तय गर्न बसेको सचिवालय बैठकमा सहमति नजुटेपछि बैठक स्थगित गरिएको थियो । पार्टीका दुई अध्यक्ष प्रधानमन्त्री केपी शर्मा ओलीले र पुष्पकमल दाहालबीच बैठकका एजेन्डाबारे सहमति जुटेको थिएन । तर, स्थायी कमिटि बैठक तत्काल बोलाउन अध्यक्षद्धयलाई दबाब थियो । २० जना स्थायी कमिटी सदस्यले बैठक बोलाउन लिखित माग नै गरेका थिए । प्रधानमन्त्री ओलीले बैठक बोलाउन आनाकानी गरिरहेका बेला स्थायी कमिटीका २० जना सदस्यले तत्काल बैठक बोलाउन दवाव दिदै आएका थिए ।

थप समाचार

बालेन शाहले माघ ४ गते मेयर पदबाट राजीनामा दिने

चिनियाँ उच्चस्तरीय टोली काठमाडौं आउँदै

धनराज गुरुङले एक मिनेट बोल्ने बित्तिकै कांग्रेस केन्द्रीय समिति बैठक…

विशेष महाधिवेशनबाट विद्रोह गरेको गगन थापाको जिकिर,दुवै महामन्त्रीका प्रतिवेदन पारित

पार्टीको सभापति र देशको प्रधानमन्त्री बन्नेगरी गगनलाई अघि सार्दैछौंः विश्वप्रकाश…

रातिसम्म मिलाउँछौं, अन्यथा निर्णयमा किन जानेः सभापति देउवा