नेकपामा फेरि बल्झियो बिबाद,सचिवालय बैठकमा चर्काचर्की

खोज पत्रिका बुधबार, २०७७ बैशाख २४, १८ :०२ बजे

काठमाडौं २४ बैशाख । बिबाद मिलेको दाबी गरेको नेकपामा फेरि चर्काचर्की परेको छ । बालुवाटारमा बसेको सचिवालय बैठकमा दुई पक्षीय नेताहरुको बीचको चर्काचर्की भएको हो । बैठकमा चर्काचर्की भएपछि पार्टी अध्यक्ष एवम् प्रधानमन्त्री केपी ओली बाहिरिएको बताइएको छ । बैठकमा नेताहरुबीच चर्काचर्की हुन थालेपछि प्रधानमन्त्री ओली आफ्नो शयनकक्षतर्फ गएका छन् । प्रधानमन्त्री ओली एक पद एक मुख्य जिम्मेवारीको विपक्षमा रहेका छन् तर बहुमत सचिवालय सदस्यहरु त्यसको कार्यान्वयन गर्ने पक्षमा छन् । सचिवालय बैठकअघि नेताहरु आन्तरिक छलफलमा जुटेका थिए । त्यस्तै, नेकपाको स्थायी कमिटि बैठक बिहिबार बिहान ११ बजे बस्ने भएको छ । अध्यक्षद्धय शर्मा शर्मा ओली र पुष्पकमल दाहाल प्रचण्डबीच बुधबार विहान भएको छलफलपछि बैठक तय भएको हो । स्थायी कमिटी बैठकको माग गर्दै २० जना नेताले हस्ताक्षर बुझाएपछि यसबीचमा दुई पटक सचिवालय बैठक बसेको थियो ।

क्याटेगोरी : प्रमुख समाचार, राजनीति, समाचार
ट्याग : #नेकपामा फेरि बल्झियो बिबाद