नेकपाले छान्यो जिल्ला इन्चार्ज र सहइन्चार्ज, बिभागमा ईश्वर र नारायणकाजीको दाबी

काठमाडौं ५ साउन । सत्तारुढ नेकपाले ७७ जिल्ला इन्चार्ज तथा सहइन्चार्ज र ६ महानगरको इन्चार्ज चयन गरेको छ । आइतबार बालुवाटारमा बसेको सचिवालय बैठकले उनीहरुको जिम्मेवारी तोेकेको हो । काठमाडौं जिल्ला ईन्चार्जको जिम्मेवारी सावित्रा भुसाललाई दिइएको छ भने ९ जना सहइन्चार्ज छन् । तत्कालीन माओवादीका ईन्चार्ज रहेका लेखनाथ न्यौपाने सह–इन्चार्जमा पनि अटाएका छैनन् । काठमाडौं महानगरको इन्चार्ज भने जीवनराम श्रेष्ठ बनेका छन् । त्यसमा ४५ वटा पूर्व एमाले र ३८ वटा पूर्व माओवादी केन्द्रको भागमा परेको छ। पार्टीको स्कुल विभागको प्रमुख ईश्वर पोखरेललाई बनाउने कि नारायणकाजी श्रेष्ठलाई बनाउने भन्ने विषयमा विवाद कायमै छ । तर, पुर्व एमाले र माओवादीको आआफ्नो अडान कायमै रहेपछि विभागहरुको नेतृत्व छनौट गर्न नसकेपछि बैठक स्थगित भएको छ । तर, पार्टीको इन्चार्ज र सहइन्चार्जको छिनोफानो गरेर मंगलबार सचिवालय बैठक बस्ने नेताहरुले बताएका छन् । बैठक पार्टीको ३२ वटा विभागको नेतृत्व छनौटसँगै जेष्ठ नागरिक मञ्चका नेतृत्व र सदस्य, विभिन्न आयोग र सल्लाहाकार कमिटिको गठन गर्न पनि सकेको छैन् ।

थप समाचार

जनताकै सुझावबाट नीति र बजेट बन्ने प्रधानमन्त्री कार्यालयको दावी, ‘सुझाव…

विजयको सरकार गठनका लागि तमिलनाडुमा जुट्यो बहुमत

कानून दोषीका लागि भय र निर्दोषका लागि आशा हुनुपर्छः राष्ट्रपति…

रास्वपा उपनेता पराजुलीले भनेः पार्टीका सांसदहरु संसदीय भुमिकाबाट विमुख हुने…

लहडतन्त्र र भयतन्त्र ल्याउने प्रयासको प्रतिरोध गर्ने गगन थापाको चेतावनी

डर र प्रभावमा न्याय सम्भव छैन, महाअभियोगको त्रासबाट मुक्त भएर…