By 
काठमाडौं २६ चैत । समायोजनप्रति असन्तुष्टि जनाउँदै आकस्मिक सेवाबाहेक सम्पूर्ण सेवा बहिष्कार गरेका सरकारी चिकित्सकलाई सरकारले कारवाही गर्ने चेतावनी दिएको छ । संघीयता कार्यान्वयनमा चिकित्सकलाई संघअन्तर्गत नै समायोजन गर्न नसकिने भन्दै स्वास्थ्य तथा जनसंख्या मन्त्रालयले तत्काल आन्दोलन फिर्ता नलिए कारवाही गर्ने चेतावनी दिएको हो । स्वास्थ्य तथा जनसंख्यामन्त्री उपेन्द्र यादवले गाउँमा नगई सहरमा मात्र बस्छु भन्ने चिकित्सकको प्रवृत्ति सह्य नहुने चेतावनी दिए । यो समाचार आजको अन्नपूर्णमा छापिएको छ ।
