टेवाले निशुल्क आँखा परिक्षण र रक्तदान आयोजना गर्दै

खोज पत्रिका शनिबार, २०७९ असार १८, ०२ :४१ बजे

ललितपुर । जिल्लाको टेवा बहुउद्देश्यीय सहकारी संस्था लिमिटेडले निशुल्क आँखा परिक्षण र बृहत रक्तदान कार्यक्रमको आयोजना गरेको छ । शनिबार टेवाले नेपाल रेडक्रस सोसाइटी ललितपुर शाखाको प्राविधिक सहयोगमा बृहत रक्तदान कार्यक्रम गर्न लागेको हो ।

त्यस्तै, टेवाले मेट्रो आई केयर प्रालि (आँखा उपचार केन्द्र)सँगको समन्वयमा निशुल्क आँखा परिक्षण कार्यक्रम गर्न लागिएको बताइएको छ । टेवाको सामाजिक अभियानमा रक्तदान महादान भन्ने भावनालाई सार्थक बनाउन सहभागिताकालाई सहकारीले आह्वान समेत गरेको छ । शनिबार विहान साढे ९ बजेदेखि २ बजेसम्म कार्यक्रम हुने आयोजकले जनाएको छ ।