देशभरको मौसम बदली, पानी पर्ने सम्भावना

काठमाडौँ १६ चैत । देशका अधिकांश क्षेत्रको मौसम शनिबार बदली भएको छ । पूर्व र मध्य क्षेत्रमा सामान्य बदली हुने र पश्चिमका क्षेत्रमा आंशिकदेखि सामान्य बदलीको अवस्था रहने जल तथा मौसम पूर्वानुमान महाशाखाले जनाएको छ । पूर्व र मध्यका केही क्षेत्रमा मेघ गर्जनसहित क्षणिक वर्षा हुने सम्भावना छ । यस्तै पश्चिमका थोरै ठाउँमा केहीबेर पानी पर्ने देखिएको मौसमविदले बताएका छन् । उच्च पहाडी क्षेत्रका केही ठाउँमा हल्का हिमपातको सम्भावना पनि छ । काठमाडौँ उपत्यकामा बिहानैदेखि बादल लागेको छ । उपत्यकामा पनि पानी पर्ने देखिएको छ ।