Techie IT
  • १४ साउन २०७८, बिहीबार
KhojPatrika

ज्ञानेन्द्र शाहीको समूहमाथि आक्रमण,प्रधानमन्त्री ओली पक्षले आक्रमण गरेको शाहीको आरोप


काठमाडौं । अभियान्ता ज्ञानेन्द्र शाहीको समूहमाथि सुर्खेतमा शुक्रबार राति आक्रमण भएको छ । जिल्लाको वीरेन्द्रनगर नगरपालिका–१३ करेखोला भन्ने स्थानमा गएराति ११ बजे आक्रमण भएको हो । सुर्खेत प्रहरीले भने शाहीको समूह र स्थानीयबीच झडप भएको बताएको छ । आक्रमणबाट घाइते भएकाहरुको अवस्था सामान्य रहेको छ । सामाजिक सन्जालमा पोष्ट भएको एक भिडियोमा शाहीले रुँदै घाइते एक युवकलाई अँगालो हालेको देखिन्छ ।

टाउकोको पछाडिको भागबाट रगत बगिरहेको देखिने ती युवकको प्राथमिक उपचार पनि गरेको देखिन्छ । शाहीले सामाजिक सन्जालमा आफूसहित राजेश महत, कृष्ण पान्डे, तिलक बस्नेत, नितु खड्का, लोक बहादुर रोकाय, शान्त शर्मा, सीता आचार्य, महेश बीसी र खगेन्द्र बजगाईंमाथि आक्रमण भएको उल्लेख गरेका छन् ।

निषेधाज्ञाको समयमा समस्यामा परेकाहरुलाई सहयोग गर्न भन्दै शाहीसहितको समूह देशका बिभिन्न जिल्लामा गइरहेको छ। जिल्ला प्रहरी कार्यालय सुर्खेतले आक्रमणमा संलग्न पाँच जनालाई नियन्त्रणमा लिएको जनाएको छ । तर, शाहीले भने प्रहरीले असहयोग गरेको आरोप लगाएका छन् । उनले प्रधानमन्त्री केपी शर्मा ओलीका कार्यकर्ताले आक्रमण गरेको आरोप लगाएका छन् ।


क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार
ट्याग : #ज्ञानेन्द्र शाहीको समूहमाथि आक्रमण

तपाईको कमेन्ट लेख्नुहोस्