पछिल्लो २४ घण्टामा कोरोनाबाट १ सय ६९ जनाको मृत्यु

खोज पत्रिका मङ्लबार, २०७८ जेष्ठ ११, २० :१९ बजे

नेपालमा मंगलबार थप ८ हजार ६ सय ३६ जनामा कोरोना पुष्टि भएको छ । देशभर गरिएको २२ हजार ३ सय ६ पिसिआर परिक्षणका क्रममा ८ हजार ३ सय ८७ र ६ सय ३० एन्टीजेन परिक्षणका क्रममा २ सय ४९ जनामा कोरोना पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या ५ लाख २८ हजार ८ सय ४८ पुगेको छ । त्यस्तै कोरोनाका कारण थप १ सय ६९ जनाको मृत्यु भएको छ ।

हालसम्म नेपालमा ६ हजार सात सय जनाले कोरोनाका कारण ज्यान गुमाएका छन् । त्यस्तै थप ६ हजार चार सय ४ जना संक्रमणमुक्त भएका छन् । हालसम्म नेपालमा चार लाख ४ हजार ८ सय ८७ जना संक्रमणमुक्त भएका छन् ।

हाल नेपालमा १ लाख १७ हजार २ सय ६१ सक्रिय संक्रमित आइशोलेशनमा र ९ सय १४ जना क्वारेन्टाइनमा छन् । हालसम्म नेपालमा २९ लाख ५८ हजार ६ सय २० वटा पिसिआर परिक्षण गरिएको मन्त्रालयले जनाएको छ ।

क्याटेगोरी : देश/दुनियाँ, प्रमुख समाचार, ब्रेकिंग न्युज, शिक्षा स्वास्थ्य
ट्याग : #कोरोना पुष्टि