कोरोना नियन्त्रणमा राजु केसीको सहयोग, रुकुमपश्चिमस्थित सल्ले अस्पतालाई स्वास्थ्य सामाग्री हस्तान्तरण

खोज पत्रिका शुक्रबार, २०७८ जेष्ठ ७, १८ :३२ बजे

काठमाडौं । नेपाली काँग्रेस रुकुमपश्चिमका महाधिबेशन प्रतिनिधि राजु केसीले दुई लाख बराबरको स्वास्थ्य सामाग्री सहयोग गरेका छन् । युवा ब्यवसायी समेत रहेका केसीले जिल्लामा फैलिएको कोरोना संक्रमण रोकथाम, नियन्त्रण तथा उपचारमा सहयोग पुर्याउने उदेश्यले जिल्ला अस्पताल सल्लेलाई २ लाख बराबरको सहयोग उपलब्ध गराएका हुन् । मुसिकोट नगरपालिका वडा नं १ खलंगा घर भई केसी हाल काठमाडौको किर्तिपुरमा बस्दै आएका छन् ।

आरटी ट्रेडर्स प्रालि का सञ्चालक समेत रहेका केसीले पठाएको स्वास्थ्य सामाग्री स्वास्थ्य सेवा कार्यालय रुकुम पश्चिमलाई र सहायता फाउण्डेशनको कोषमा केही रकम जम्मा गरेर सहयोग उपलब्ध गराएका हुन् । जिल्लामा कोरोना संक्रमित दैनिक बढ्दै गएको र र एन्टिजीन किटको अभावका कारण परिक्षणको दायरा समेत कम भएको छ । तर, अव किट सहयोग भएपछि परिक्षण हुने भएको छ ।

केसीले सहयोग गरेको एन्टिजिन परिक्षण किट २ सय थान, सर्जिकल फेस मास्क २ हजार ५ सय थान, अक्सोमिटर १२ थान समाजसेवी शिवराम खत्री मार्फत कार्यालयलाई हस्तान्तरण गरिएको हो । यी सामाग्रीको मुल्य १ लाख ६१ हजार ४ सय ९९ रहेको केसीले बताएका छन् । केसीले सहायता फाउण्डेसनको खातामा ३८ हजार ५ सय रकम जम्मा गरेर अन्य सामाग्री खरिदका लागि समेत सहयोग गरेका छन् ।

जिल्ला प्रहरी कार्यालय रुकुम पश्चिमलाई पनि ५ सय थान सर्जिकल माक्स र १ वटा अक्सोमिटर केसीले उपलब्ध गराएका छन् । रुकुम पश्चिममा कोरोना रोकथाम तथा नियन्त्रणका लागि एक जना व्यक्तिद्धारा ठुलो सहयोग प्रदान भएको यो पहिलो हो । गृहजिल्लामा कोरोना नियन्त्रण गर्न सहयोग पुगोस र स्वास्थ्य सामाग्रीको अभावमा कसैले ज्यान गुमाउन नपरोस भन्दै आफूले सहयोग गरेको केसीको भनाई छ ।