Techie IT
  • २० मंसीर २०७८, सोमबार
KhojPatrika

१५ दिन थपियो निषेधाज्ञा,अव घरमा पनि १० जना भेला हुन नपाउने


काठमाडौं । उपत्यकाका थप १५ दिन निषेधाज्ञा थपिएको छ । काठमाडौं, भक्तपुर र ललितपुरका प्रमुख जिल्ला अधिकारीहरुको बैठकले जेठ १३ गतेसम्म निषेधाज्ञा थप्ने निर्णय गरेको हो । बैठकमा काठमाडौंका प्रमुख जिल्ला अधिकारी कालिप्रसाद पराजुली, भक्तपुरका प्रमुख जिल्ला अधिकारी प्रेमप्रसाद भट्टराई र ललितपुरका सहायक प्रमुख जिल्ला अधिकारी ललितकुमार बस्नेत सहभागी थिए ।

कोरोना संक्रमणका कारण ललितपुरका प्रमुख जिल्ला अधिकारी ढुण्डीप्रसाद निरौला बैठकमा सहभागी भएका थिएनन् । प्रमुख जिल्ला अधिकारीले उपत्यकामा विहान १० बजेसम्म किराना पसल र डिपार्टमेन्ट स्टोर खोल्न दिने निर्णय गरेको छ । ९ बजेसम्म मात्र खोल्न दिँदा भीडभाड बढेको हुनाले किराना र डिपार्टमेन्ट स्टोर १० बजेसम्म खोल्न दिने निर्णय गरेको बताइएको छ । त्यस्तै होटेल रेस्टुरेन्ट र पार्टी प्यालेसमा हुने विवाह, व्रतबन्धलगायतका भोजभतेरमा पनि रोक लगाइएको छ ।

घरमा भने १० जनासम्म भेला हुने गरी यस्ता कार्य गर्न दिइने पराजुलीले बताए । महामारीको चेन ब्रेक गर्नलाई निषेधाज्ञाको समय दुई साता थप्नुका साथै आदेशलाई कडाइका साथ लागू गर्ने र निरन्तर अनुगमन गरिने उहाले जानकारी दिए । कोरोना संक्रमण बढ्दै गएपछि काठमाडौं उपत्यकामा पहिलो चरणमा वैशाख १६ गतेदेखि २२ गतेसम्म निषेधाज्ञा लागू भएको थियो । त्यसपछि २२ गतेदेखि वैशाख २९ गतेसम्म दोस्रो पटक म्याद थप गरिएको थियो । दोस्रो पटकको म्याद बुधबार सकिदैछ ।


क्याटेगोरी : देश/दुनियाँ, ब्रेकिंग न्युज, शिक्षा स्वास्थ्य, समाचार
ट्याग : #थप १५ दिन निषेधाज्ञा

तपाईको कमेन्ट लेख्नुहोस्