Techie IT
  • ६ कात्तिक २०७८, शनिबार
KhojPatrika

सरकार र विप्लव समूहको वार्ता टोलीबीच डेढ घण्टा छलफल


काठमाडौं । सरकार र नेकपा विप्लव समूहबीचको बार्ता टोलीबीच डेढ घण्टा छलफल भएको छ । प्रधानमन्त्री निवास बालुवाटारमा पहिलो चरणको वार्तामा डेढ घण्टा छलफल गरेका हुन् । दुई पक्षबीच आ–आफ्नो कुरा राखिएको बताइएको छ । प्रधानमन्त्रीका परराष्ट्र सल्लाहकार आजको वार्ता सम्पन्न भएको र वार्ता सकारात्मक दिशाउन्मुख रहेको जानकारी गराएका छन् ।

वार्तामा सरकारी पक्षबाट गृहमन्त्री रामबहादुर थापा र प्रधानमन्त्रीका परराष्ट्र सल्लाहकार राजन भट्टराईको सहभागिता रहेको थियो भने विप्लव समूहबाट प्रवक्ता खड्गबहादुर विश्वकर्मा ‘प्रकाण्ड’ र केन्द्रीय सदस्य उदय चलाउने ‘दीपक’ सहभागी थिए ।

सरकारले मंगलबारमात्र गृहमन्त्रीको संयोजकत्वमा वार्ता समिति बनाएपछि विप्लवले पनि प्रकाण्डको संयोजकत्वमा वार्ता समिति घोषणा गरेका थिए । सोपछि वार्ता टोली मंगलबार नै काठमाडौँ आइपुगेको थियो । प्रकाण्ड र चलाउने बुधबार बिहानै बालुवाटार प्रवेश गरेका थिए भने गृहमन्त्री थापा ९ बजेतिर बालुवाटार पुगेपछि साढे ९ बजे तिरबाट वार्ता सरु भएको थियो ।

सरकारले २०७५ फागुन २८ मा विप्लव समूहलाई ध्वंसात्मक गतिविधि गरेको ठहर गर्दै प्रतिबन्ध लगाएका थियो । अहिले पनि बिप्लव समूहका अन्य नेताहरु जेलमा छन् ।


क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #गृहमन्त्री रामबहादुर थापा, #विप्लव समूह, #सरकार र नेकपा विप्लव

तपाईको कमेन्ट लेख्नुहोस्