न्यायाधीश हरिकृष्ण कार्की संवैधानिक इजलासमा नबस्ने, अर्को सुनुवाइ बुधबार

काठमाडौं । सर्वोच्च अदालतका न्यायाधीश हरिकृष्ण कार्की संवैधानिक इजलासमा नबस्ने भएका छन्। काननु व्यसायीहरुको विरोधपछि कार्कीले नबस्ने निर्णय गरेका हुन्। संवैधानिक इजलासमा प्रधानन्यायाधीश चोलेन्द्रशमशेर जबरा, न्यायाधीशहरू कार्की, विश्वम्भर श्रेष्ठ, अनिलकुमार सिन्हा र तेजबहादुर केसी छन्। आज कानुन व्यवसायीहरु शम्भु थापा, मुक्ति प्रधान, दिनेश त्रिपाठी, कृष्णप्रसाद भण्डारीले बहस गरेका थिए। बहसका क्रममा उनीहरुले महान्यायाधिवक्ता भइसकेका व्यक्ति संवैधानिक इजलासमा बस्न उचित नहुने भन्दै न्यायाधीश कार्कीको विरोध गरेका थिए।

वरिष्ठ अधिवक्ता थापाले भनेका थिए, ‘जनताले के भन्छन्छन् मलाई बहस गर्न आपत्ति छैन। अरू बेन्च गठनमा पनि कुनै समस्या छैन। हिजो महान्याधिवक्ता अग्नि खरेलसितै तपाईंले बहस गर्नुभएको थियो। महान्यायाधिवक्ता पनि भइसक्नुभएको हो। यस्तो अवस्थामा तपाईं इजलासमा बस्न कति सान्दर्भिक हुन्छ ?’ अर्का वरिष्ठ अधिवक्ता एवम् पूर्वमहान्यायाधिवक्ता मुक्ति प्रधानले संसद् विघटनसम्बन्धी मुद्दा बृहत् इजलासमै सुनुवाइ हुनुपर्ने बताएका थिए।

वरिष्ठ अधिवक्ता दिनेश त्रिपाठीले हिजो महान्यायाधिवक्ता भइसकेका व्यक्तिले इजलासमा आएर बहस गर्नु सान्दर्भिक नहुने बताएका थिए। उनले भनेका थिए, ‘अदालतले न्याय निरुपण गर्दा विश्वास दिन सक्नुपर्छ भन्ने मेरो मान्यता हो।’ त्रिपाठीको जवाफ दिँदै प्रधानन्यायाधीश चोलेन्द्रशमशेर राणाले आफू प्रधानमन्त्रीकै कार्यकालमा प्रधानन्यायाधीश नियुक्ति भएकाले ‘मेरो विषयमा पनि लागू होला’ भनेका थिए। उनले भने, ‘तपाईहरूले प्रश्न उठाउनुभएको छ, निवेदन दिनुभएको छ, हामी त्यसको निकास दिन्छौं नि।’ थापाले प्रधानन्यायाधीश नियुक्ति गर्नु र महान्यायाधिवक्ता नियुक्ति गर्नु फरक विषय भएको बताएका थिए।

थप समाचार

महेश बस्नेत र दुर्गा प्रसाईँको मंसिर ७ को आन्दोलन (भिडियोसहित)

अव माइतीघरदेखि बानेश्वरसम्म आन्दोलन गर्न नपाइने, लगाइयो निषेधाज्ञा !

रुकुमपश्चिममा जिप दुर्घटना, २२ जना घाइते, ५ को अवस्था गम्भिर

उदाउँदो सूर्यलाई अर्घ्य दिएर समापन गरियो यस बर्षको छठ पर्व

टिकटक प्रयोग भएको पाइएमा खबर गर्न दुरसञ्चार प्राधिकरणको आग्रह

कञ्चनपुरका विपिन जोशी गाजाको एक अस्पतालमा फेला (भिडियोसहित)