सानेपा पार्टी कार्यालयमा कोरोना देखिएपछि कांग्रेस पदाधिकारी बैठक स्थगित

काठमाडौं । नेपाली कांग्रेसको पदाधिकारी बैठक स्थगित भएको छ। १९ गते तय भएको केन्द्रीय समिति बैठकको तयारीस्वरुप २ सय ४३ जनामा गरिएको कोरोना परीक्षणमा केन्द्रीय सदस्य गगन थापा, अजुर्ननरसिंह केसीलगायत नेताहरुका स्वकीय सचिव, सुरक्षाकर्मी र कर्मचारी गरी ७० जनालाई कोरोना भाइरस देखिएपछि पदाधिकारी बैठक स्थगित भएको हो।

कोरोना संक्रमण पुष्टि भएसँगै असोज १९ का लागि बोलाइएको केन्द्रीय समिति बैठक पनि अनिश्चित भएको छ । केन्द्रीय कार्यसमिति बैठकका एजेन्डाबारे शनिबार पनि कांग्रेस पदाधिकारी, पूर्वपदाधिकारी र केही केन्द्रीय सदस्यबीच छलफल भएको थियो।

बिहान ९ बजे केन्द्रीय कार्यालय सानेपामा बोलाइएको पदाधिकारी बैठक स्थगित गरिएको हो। शनिबारको बैठकमा वरिष्ठ नेता रामचन्द्र पौडेलले आफूले हस्ताक्षरसहित बुझाएको ध्यानाकर्षणपत्रबारे जानकारी गराएका थिए। महामन्त्री शशांक कोइराला, उपसभापतिद्वय विजयकुमार चच्छदार, विमलेन्द्र निधि र सभापति शेरबहादुर देउवाले धारणा राख्ने कार्यक्रम थियो ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने