मुख्यसचिवमा शंकरदास बैरागी नियुक्त, खतिवडा अमेरिका र रेग्मी बेलायतको राजदूतमा सिफारिस

खोज पत्रिका बिहिबार, २०७७ अशोज १५, १४ :१२ बजे

काठमाडौं । सरकारले मुख्यसचिवमा शंकरदास बैरागीलाई नियुक्त गरेको छ । मुख्सचिव लोकदर्शन रेग्मीले आफ्नो कार्यकाल सकिनु अघि नै राजीनामा दिएपछि बैरागीलाई मुख्यसचिवमा नियुक्त गरिएको हो ।

बिहिबार बसेको मन्त्रिपरिषद् बैठकले पूर्वअर्थमन्त्री डा. युवराज खतिवडालाई अमेरिका र लोकदर्शन रेग्मीलाई बेलायतको राजदूत नियुक्त गरेको छ । त्यसअघि मुख्यसचिव रेग्मीले कार्यकाल सकिनु अघि नै पदबाट राजीनामा दिएका थिए ।

मन्त्रिपरिषद् बैठक चल्दै गर्दा प्रधानमन्त्री ओलीले रेग्मीको राजीनामा स्वीकृत गरे लगत्तै रेग्मीलाई बेलायत र पूर्वअर्थमन्त्री डाक्टर युवराज खतिवडालाई अमेरिकाको राजदूत नियुक्त गरिएको हो । यसअघि प्रधानमन्त्री ओलीले खतिवडालाई आफनो आर्थिक सल्लाहकार समेत बनाएका थिए । त्यस्तै, सरकारले साउथ अफ्रिकाका लागि निर्मल कुमार विश्वकर्मालाई पनि राजदूतमा सिफारिस गरेको छ ।