१६ औं दिनसम्म कसैले सुनेन डा.गोविन्द केसीका माग

काठमाडौं । डाक्टर गोविन्द केसीको १९ औँ अनसनको १६ दिन मंगलबार पूरा भएको छ । तर, केसीले अघि सारेका चिकित्सा शिक्षा क्षेत्र सुधारका मागप्रति सरकार बेखबर जस्तै छ । आमरण अनसनमा रहेका डाक्टर गोविन्द केसी यतिबेला त्रिभुवन विश्वविद्यालय शिक्षण अस्पतालमा उपचाररत छन् । डाक्टर केसीको स्वास्थ्य अवस्था जटिल बन्दै गएपछि अस्पतालले थप उपचारको प्रवन्ध मिलाएको छ । तर, केसीले उपचार लिन मानेका छैनन् ।

त्रिभुवन विश्वविद्यालय शिक्षण अस्पतालमा उपचाररत भएतापनि तरल तथा इलेक्ट्रोलाइन लिन डाक्टर केसीले अस्वीकार गर्दै आएका छन् । माग सम्बोधनका लागि १९ औं चरणको अनसनमा बसेका केसीलाई बारम्बार छाती दुख्ने, धड्कनको गति एकनाश नहुने, मांसपेशी बाउँडिने, थकाइ र पटक पटक चक्कर लाग्ने समस्या उत्पन्न हुदै आएको अस्पतालका प्रवतmा रामविक्रमले जानकारी दिए । उनका अनुसार अहि अवस्था रहे जुनसुकै बेला आइसियुमा राख्नुपर्ने अवस्था आउनसक्छ ।

रगतमा सेतो रक्तकोषिकाको संख्या पनि कम देखिनुका साथै ब्लड सुगरमा कमी, सोडियम, पोटासियम, म्याग्नेसियम, क्याल्सियम, फोस्फोरसजस्ता इलेक्ट्रोलाइटको मात्रा समेत घटेको पाइएको छ । आपतकालिन रक्त बाहिनी नलीमा पहुँच कायम राख्न डाक्टर केसीलाई सामान्य स्लाइन दिइएको छ । अन्य तरल तथा इलेक्ट्रोलाइन लिन डा. केसीले अस्वीकार गर्दै आएका छन् ।

अनसनको समर्थनमा सोलिडारिटी अफ डा.केसी अलायन्सले काठमाडौंको माइतीघर मण्डलामा हरेक साँझ ५ बजे प्रदर्शन गर्दै आएको छ । तर, डाक्टर केसीले जुम्लादेखि काठमाडौंसम्म अनसन बसेको १६ औं दिनसम्म सरकारले कुनै प्रक्रिया समेत दिएको छैन् । १८ औं पटकसम्म अनसन बसेका केसीसँग बिभिन्न बुदाँमा सहमति गरेको सरकारले अनसन तोडाउन कुनै पहल नगर्नु दुर्भाग्य हो ।

थप समाचार

विस्तृत शान्ति सम्झौताको १८ वर्षः युद्ध गर्ने नेताको जीवनशैली फेरियो,…

बालुवाटारमा ओली-देउवासहित कांग्रेस र एमालेका शीर्ष नेताहरू छलफलमा

प्रधानमन्त्री, मन्त्री र जनप्रतिनिधिले अनुमति नलिइ उपनिर्वाचनको प्रचारमा हिँड्न नपाउने

मेडिकल व्यवसायी दुर्गा प्रसाईं दोस्रो पटक पक्राउ, प्रधानमन्त्री ओलीविरुद्ध भ्रामक…

हिरासतमा रहेका रवि लामिछानेको बोलीले प्रहरी तनावमा,मौका पाउने बित्तिकै सरकारलाई…

नारायणगढ–बुटवल सडकको ठेक्का सम्झौता रद्ध गर्ने प्रधानमन्त्रीको चेतावनी