उपत्यकामा ६१८ सहित देशभर थप १२४६ कोरोना संक्रमित फेला

खोज पत्रिका बिहिबार, २०७७ अशोज १, १७ :२६ बजे

काठमाडौं । उपत्यकामा बिहीबार थप ६ सय १८ जना कोरोना संक्रमित थपिएका छन् । काठमाडौंमा ५ सय ७, भक्तपुरका ५० र ललितपुरका ६१ गरी थप ६ सय १८ जनामा कोरोना संक्रमण पुष्टि भएको हो ।

उपत्यकासहित देशभर १ हजार २ सय ४६ जना कोरोनाभाइरस संक्रमित थपिएका छन् । यससँगै देशभर संक्रमितको कुल संख्या ५९ हजार ५ सय ७३ पुगेको स्वास्थ्य मन्त्रालयले जनाएको छ । देशभर सक्रिय संक्रमितको संख्या १६ हजार २ सय ४१ रहेको छ ।

यस्तै बिहिबार थप ४ जनाको मृत्यु भएसँगै मृतकको कुल संख्या ३ सय ८३ पुगेको छ । बितेको २४ घण्टामा १२ सय ४३ जना कोरोना संक्रमणमुक्त भएका छन् । हालसम्म संक्रमण मुक्त हुनेको संख्या ४२ हजार ९ सय ४९ पुगेको छ । बिहिबार पीसीआर १० हजार ६ सय ४१ जनाको भएको छ ।

हेरौं देशभर कहाँ कति संक्रमित थपिए