सिन्धुपाल्चोकको जुगल पहिरोमा ३६ जना बेपत्ता भएको आशंका, घटनास्थलको फोटो फिचर

खोज पत्रिका शुक्रबार, २०७७ साउन ३०, ११ :५८ बजे

काठमाडौं । सिन्धुपाल्चोकको जुगल गाउँपालिका–२ लिदीमा गएको भीषण पहिरोमा परेर कम्तिमा ३६ जना बेपत्ता भएका छन् । शुक्रबार बिहान साढे ६ बजे गएको पहिरोले २८ घर पुरेको छ । नौ जना घाइते भएका छन् घाइतेको उद्धारका लागि काठमाडौंबाट नेपाली सेनाको हेलिकोप्टर सिन्धुपाल्चोक पुगेको छ ।

घाइतेमध्ये चारको अवस्था गम्भीर छ । गाउँको बीच भागबाट खसेको पहिरोले कति घर पुरिए भन्नेबारे अझै एकिन हुन सकेको छैन ।

उद्धारमा खटिएका स्थानीयका अनुसार २८ घरमध्ये २२ घरमा रहेका कम्तीमा ३६ मानिस पहिरोमा पुरिएको जानकारी दिए । उद्धारका लागि सभामुख अग्निप्रसाद सापकोटा घटनास्थल पुगेका छन् ।

उद्धारका लागि प्रहरी घटनास्थलतर्फ गएको जिल्ला प्रहरी कार्यालयले जनाएको छ । कात्तिकेमा रहेको प्रहरी चौकीबाट घटनास्थल पुग्न पैदल तीन घण्टा लाग्छ । अहिले पानी पर्न रोकिएपनि पहिरो झरिरहेकाले उद्धारमा कठिनाई भएको छ ।

घटनास्थलको फोटो फिचर–श्रीधर न्यौपानेको फेसबुकबाट