मेलम्चीमा पहिरोमा परि ८ जना बेपत्ता

खोज पत्रिका सोमवार, २०७७ साउन १९, ०७ :१२ बजे

काठमाडौं । सिन्धुपाल्चोकको मेलम्चीमा पहिरोमा जाँदा ८ जना बेपत्ता भएका छन् । लगातारको वर्षासँगै आइतबार राति पहिरो खसेपछि ८ जना बेपत्ता भएका हुन् । वाग्मती प्रदेश सरकारले निर्माण गर्न लागेको कभर्ड हल बनाउन खटिएका कामदार बसेको घर पहिरोले पुरेको हो ।

पहिरोमा ९ जना पुरिएकामा एक जनाको उद्धार गरिएको छ । मेलम्ची बजार पिपलबोट नजिक ढिस्को खसेर कामदार सुतेको घर पुरेको हो । स्थानीय बासिन्दा र सुरक्षाकर्मीको टोलीले अहिले पहिरोमा हराएकाहरुको खोजी गरिरहेका छन् ।

क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार
ट्याग : #घर पहिरो, #मेलम्चीमा पहिरो