धादिङमा पहिरो जाँदा एकैपरिवारका तीन जनाको ज्यान गयो

खोज पत्रिका मङ्लबार, २०७७ साउन ६, ०८ :३३ बजे

काठमाडौं । धादिङ्गमा सोमबार राति पहिरो जाँदा एकै परिवारका तीन जनाको ज्यान गएको छ। त्रिपुरासुन्दरी गाउँपालिका–६ गोलाङमा राति दुई बजेपछि पहिरो जाँदा घर पुरिएर सुतिरहेका तीन जनाको ज्यान गएको हो । पहिरोमा परी मृत्यु हुनेमा २५ वर्षका मिलन खाँड, उनकी श्रीमती २२ वर्षकी सम्झना खाँड र छोरी दुई वर्षकी अञ्जिता रहेका छन् ।

भूकम्पले भत्किएको घर हालै पूनर्निर्माण सकेर खाँड परिवार नयाँ घरमा बसेको थियो । तर, घरमाथिबाट आएको पहिरोले उनीहरुलाई पुरेको हो । तीनैजनाको शव निकालेर पोस्टमार्टमका लागि सल्यान्टार प्राथमिक स्वास्थ्य केन्द्र लगिएको छ ।

क्याटेगोरी : प्रमुख समाचार, ब्रेकिंग न्युज, समाचार
ट्याग : #पहिरो