अध्यक्षद्धयबीच सहमति नभएपछि नेकपामा सचिवालय बैठक

काठमाडौं । पटक पटक नेकपाका अध्यक्षद्धय केपी शर्मा ओली र पुष्पकमल दाहाल प्रचण्डलाई पार्टीको विवाद मिलाउन स्थायी कमिटि बैठकले जिम्मा दिएपनि सहमति जुट्न सकेको छैन् । ६ पटक स्थगित भएको स्थायी कमिटि बैठक आइतबारका लागि बोलाइएको छ । त्यसअघि सहमति जुटाउन शनिबार सचिवालय बैठक बोलाइएको छ । थप बल्झिएको नेकपाको विवाद समाधानको प्रयासमा सचिवालयमा छलफल हुने बताइएको छ । सचिवालय बैठक दिउँसो तीन बजे बोलाइएको छ ।

गत असार १७ गतेदेखि सुरु भएको स्थायी कमिटीको बैठकमा अधिकांश सदस्यहरुले प्रधानमन्त्री एवम् पार्टी अध्यक्ष केपी शर्मा ओलीले दुवै पदबाट राजीनामा दिनुपर्ने माग गरेका थिए । प्रधानमन्त्री ओली भने दुवै पद नछाड्ने अडानमा छन् । विवाद उत्कर्षमा पुगेपछि शीर्ष नेताहरुबीच दुई पक्षीय र त्रिपक्षीय छलफल पनि भएको थियो । तर, ती छलफलबाट पनि सहमति नजुटेपछि नेताहरु सचिवालय बैठकमा फर्किएका हुन् ।

यसअघि सचिवालय बैठकमा विवाद बढेपछि स्थायी कमिटी बैठक सुरु गरिएको थियो । शुक्रबार ओली र प्रचण्डबीच भएको छलफलमा स्थायी कमिटी बैठक स्थगित गरेर सचिवालय बैठक बोलाउने सहमति भएको थियो । प्रचण्ड र माधव नेपालले स्थायी कमिटिबाट निकास नआए केन्द्रीय कमिटिको बैठक बोलाउने तयारी समेत गरेका छन् ।

थप समाचार

प्रचण्डसँग बिदा माग्दै जनार्दनले भने– अहिले आउँदिनँ, आवश्यक परे पछि…

जेन–जी आन्दोलनमा मृत्यु भएका ४५ जना शहीद घोषणा

एनआईसी एसिया बैंकको सीईओमा सुजितकुमार शाक्य नियुक्त

सार्वजनिक खर्चमा मितव्ययिता कायम गरी सार्वजनिक कोषको प्रभावकारी उपयोग गर्न…

एमाले निर्वाचनबाट भाग्दैनः शंकर पोखरेल

अहिलेको परिस्थिति आउनुमा नेता मात्रै दोषी छैनन्ः अध्यक्ष केसी