जिल्लामा कोरोना संक्रमित घटे, काठमाडौं उपत्यकामा बढे

काठमाडौं । दैनिक ४ सयदेखि ७ सयसम्म कोरोना संक्रमित भेटिने गरेकोमा पछिल्ला केही दिनयता संक्रमितको संख्यामा घट्दै गईरहेको छ । सोमबार १ महिनाको अवधिमै सबै भन्दा कम १ सय ८० जनामा कोरोना संक्रमण पुष्टि भएको थियो भने मंगलबार त्यो सङख्या अलिकति बढेर २ सय ४ मा पुगेको छ । संक्रमितको संख्या घटेसँगै निको भई घर फर्कनेहरुको संख्यामा भने बृद्धि भएको छ । नेपालमा पछिल्लो २४ घण्टामा २ सय ४ जनामा कोरोना संक्रमण पुष्टि भएसँगै कूल संक्रमितको संख्या १६ हजार १ सय ६८ पुगेको छ । कोरोनाका कारण पछिल्लो २४ घण्टामा कसैको पनि मृत्यु भएको छैन् । त्यसरी नै ७७ वटै जिल्लामा फैलिएको कोरोनावाट तेह्रथुम, भोजपुर, सोलुखुम्बु र हुम्ला गरी चार जिल्ला कोरोना मुक्त भएका छन् ।

नेपालमा अहिलेसम्म कोरोना भाइरसको कारण ३५ जनाको मृत्यु भईसकेको छ । कुल सङक्रमित मध्ये ८ हजार ६ सय ३४ जनाको आइसोलेनमा उपचार भइरहेको छ । विगत २४ घण्टामा ६ सय ८८ जना संक्रमण मुक्त भएका छन् । योसँगै हालसम्म ७ हजार ४ सय ९९ जनाले कोरोना जितेका छन् । पछिल्लो २४ घण्टामा ६ हजार १ सय ३३ जनाको पिसिआर परिक्षण गरीएको मन्त्रालयले जनाएको छ । अहिलेसम्म २ लाख ६८ हजार ८ सय ६१ पिसिआर परिक्षण भएका छन् । देशका २५ वटा प्रयोगशाला मार्फत कोरोनो परीक्षण भइरहेको मन्त्रालयले जनाएको छ ।

नेपालका विभिन्न क्वारेन्टिनमा २५ हजार ७ सय २७ जना रहेका छनन् भने आइसोलेसनमा रहनेको संख्या ८ हजार ६ सय ३४ रहेको छ । काठमाडौं उपत्यकामा मंगलबार २८ जनामा कोरोना संक्रमण देखिएको छ । काठमाडौं जिल्लामा १४, ललितपुरमा १० र भक्तपुरमा ४ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । यसअघि सोमबार काठमाडौं उपत्यकामा ५४ जनामा कोरोना संक्रमण देखिएको थियो । उपत्यकाका समुदायमा कोरोना फैलन नदिनको लागि सर्वसाधारणलाई मन्त्रालयले अत्यावश्यक बाहेक बहिर ननिस्कन र निस्कनु परेका माक्सको प्रयोग गर्न अनुरोध समेत गरेको छ ।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड