नेपालमा थप ७४० जनामा कोरोना पुष्टि, मृत्यु हुनेको संख्या ३२ पुग्यो

खोज पत्रिका शुक्रबार, २०७७ असार १९, २२ :३२ बजे

काठमाडौं । नेपालमा पछिल्लो २४ घण्टामा थप ७ सय ४० जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले थपिएको जानकारी दिएका हुन् । योसँगै नेपालमा कोरोना संक्रमितको संख्या १५ हजार २ सय ५९ पुगेको छ । त्यस्तै, पछिल्लो २४ घण्टामा ८ सय २३ जनाले कोरोनाभाइरस जितेका छन् । योसँगै संक्रमण निको हुनेको कूल संख्या ६ हजार १ सय ४३ पुगेको छ ।

त्यस्तै, कोरोनाबाट काठमाडौं नयाँ बानेश्वरका ८५ वर्षीय पुरुषको मृत्यु भएको छ । उनको असार १७ गते मृत्यु भएकोमा कोरोना परिक्षण गर्दा पोजेटिभ देखिएको हो । योसँगै कोरोनाबाट मृत्यु हुनेको संख्या ३२ पुगेको छ । ९ हजार ८४ जनाको आइसुलेसनमा उपचार भइरहेको छ । क्वारेन्टिनमा ३५ हजार ४ सय ७२ जना रहेको मन्त्रालयले जनाएको छ । अहिलेसम्म २ लाख ५२ हजार २ सय ४७ पिसिआर परिक्षण भएको छ ।

क्याटेगोरी : प्रमुख समाचार, ब्रेकिंग न्युज, समाचार, स्वास्थ्य
ट्याग : #कोरोनाभाइरस संक्रमण