पिसिआर परिक्षण घट्दा संक्रमितको संख्या पनि घट्यो

काठमाडौं । स्वास्थ्य तथा जनसंख्या मन्त्रालयको पछिल्लो विवरण अनुसार बिहिबार ४ हजार ५ सय ३७ वटा पिसिआर परिक्षण भयो । योसँगै नेपालमा ५ लाख ३८ हजार ३ सय ८४ वटा कोरोना परीक्षण गरिएको छ । तिमध्ये २ लाख ३७ हजार ७ सय ६४ वटा पिसिआर र ३ लाख ६ सय २० वटा आरडिटी परिक्षण भएको हो । देशभर २२ वटा प्रयोगशालमा कोरोना परिक्षण भइरहदा समेत पिसिआर परिक्षणको दायरा ह्वात्तै घटाइएको छ । देशभरका क्वारेन्टिनमा ३८ हजार १ सय ९ जना रहेका छन् । तर, उनीहरुको परिक्षण समयमै भएको छैन् । परिक्षणको दायरा घटेसँगै एकसाता एकअघि देखिएको संक्रमणदर पनि ह्वात्तै घटेको छ । पछिल्लो २४ घण्टामा नेपालमा ४ सय ७३ जनामा कोरोना संक्रमण पुष्टि भयो । साढे सात हजार परिक्षण गर्दा पाँच सयभन्दा बढी संक्रमित फेला गरेका थिए ।

हालसम्म कूल संक्रमितको संख्या १४ हजार ५ सय नाघेको छ । उपचारपछि निको हुनेको संख्या ५ हजार तीन सय नाघेको छ भने मृत्यु हुनेको संख्या ३१ पुगेको छ । पछिल्लो २४ घण्टामा नेपालमा थप ४ सय ७३ जनामा कोरोनाभाइरस संक्रमण पुष्टि भएको छ । कूल संक्रमितमध्ये १० हजार १ सय ३७ जनाको आइसोलेनमा उपचार भइरहेको मन्त्रालयले जनाएको छ । स्वास्थ्यमन्त्रीले असार १५ गतेदेखि दैनिक १० हजार पिसिआर परिक्षण गरिने बताएपछि झनै परिक्षणको दायरा घटेको छ । क्वारेन्टिनमा रहेका ब्यक्तीको समेत रिपोर्ट आउन ढिला भएको भन्दै आलोचना भइरहदा सरकारले भने परिक्षणदर घटाएको हो ।

थप समाचार

कांग्रेसको नयाँ नेतृत्व चयनका लागि आज मतदान, ७ हजार २५५…

गगन थापाको घोषणा : कांग्रेसमा आजदेखि सबै गुट सकियो, अब…

चोलेन्द्रको घरमा सम्पत्ति शुद्धीकरण अनुसन्धान बिभागको छापा

कांग्रेस सभापतिको उम्मेदवारी फिर्ता गर्ने किशोरसिंह राठोरको घोषणा, गगन थापालाई…

कांग्रेसको बन्द सत्रमा सबैलाई प्रवेश खुला, प्रत्यक्ष प्रसारण हुने

कांग्रेस महाधिवेशनको चौथो दिन आज बन्द सत्रले प्रतिवेदनहरू पारित गर्दै,…