Techie IT
  • ६ कात्तिक २०७८, शनिबार
KhojPatrika

नेपालमा घटेन कोरोना संक्रमणदर, एकै दिन ५३८ जनामा संक्रमण पुष्टि


काठमाडौं । नेपालमा कोरोना भाइरसको संक्रमणदर अझै घटेको छैन् । पछिल्लो २४ घण्टामा नेपालमा थप ५ सय ३८ जनामा कोरोनाभाइरस संक्रमण पुष्टि भएको छ । मंगलबारको नियमित प्रेस ब्रिफिङमा स्वास्थ्य मन्त्रालयका प्रवक्ता डाक्टर जागेश्वर गौतमले थप ९० महिला र ४ सय ४८ पुरुष गरी कूल ५ सय ३८ जनामा कोरोना संक्रमण पुष्टि भएको जानकारी दिए । योसँगै नेपालमा संक्रमितको संख्या १० हजार ९९ पुगेको छ ।

यस्तै, मंगलबार ७६ जना गरी अहिलेसम्म २ हजार २ सय २४ जना कोरोना संक्रमित उपचारपछि निको भएर घर फर्किएका छन् । नेपालमा कोरोना भाइरसबाट मृत्यु हुनेको संख्या २४ पुगेको छ । दैलेखको दुल्लु ३ का ४५ वर्षका पुरुषको प्रादेशिक अस्पताल सुर्खेतमा उपचारका क्रममा मृत्यु भएको हो । उनी क्षयरोग र दमको विरामी समेत रहेको मन्त्रालयले जनाएको छ ।

हालसम्म ७ हजार ८ सय ५१ जना संक्रमित उपचारका लागि विभिन्न अस्पतालका आइसोलेसनमा रहेका छन् । मंगलबार ४ हजार ९ सय ९५ गरी हालसम्म १ लाख ८६ हजार ३ सय ६६ जनाको पीसीआर परीक्षण भएको छ । यस्तै पछिल्लो २४ घण्टामा ३ हजार ४ सय ८१ गरी २ लाख ७१ हजार ५ सय ८४ जनाको आरडिटी परीक्षण गरिएको छ । ८५ हजार ८ सय १३ जना क्वारेन्टिनमा रहेको मन्त्रालयले जनाएको छ ।


क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार, स्वास्थ्य
ट्याग : #संक्रमणदर

तपाईको कमेन्ट लेख्नुहोस्