नेपालमा कुल कोरोना संक्रमितको संख्या ८६०५ पुग्यो, शनिबार थपिए ३३१ संक्रमित

खोज पत्रिका शनिबार, २०७७ असार ६, १९ :०२ बजे

काठमाडौं । नेपालमा पछिल्लो २४ घण्टामा थप ३ सय ३१ जनामा कोरोनाभाइरस संक्रमण पोजेटिभ देखिएको छ । शनिबार थपिएकामा ४९ महिला र पुरुष दुई २ सय ८२ जना छन् । योसँगै नेपालमा कोरोना संक्रमितको कूल संख्या ८ हजार ६ सय ५ पुगेको छ। अहिलेसम्म महिला ७ सय ५६ र पुरुष ७ हजार ८ सय ४९ जना रहेका छन् । यस्तै २४ घण्टामा १ सय ७६ जना संक्रमित निको भएर घर फर्किएका छन् ।

पछिल्लो २४ घण्टामा ७ हजार ४ सय १६ पीसीआर परिक्षण भएको स्वास्थ्य तथा जनसंख्या मन्त्रालयले जनाएको छ । अहिलेसम्म १ लाख ६९ हजार १ सय ६५ जनाको पीसीआर प्रविधिबाट परीक्षण भएको छ । यस्तै, आरडिटी विधिबाट पछिल्लो २४ घण्टामा ४ हजार ४ सय २६ गरी आजसम्म कुल २ लाख ५२ हजार ३ सय परीक्षण भएको छ । शनिबार देशभर १ लाख २ हजार २ सय ४५ जना क्वारेन्टाइनमा छन् । त्यस्तै ७ हजार ५ जना आइसोलेसनमा उपचाररत रहेका छन् । अहिलेसम्म ७७ जिल्लामध्ये ७४ जिल्लामा कोरोना संक्रमण फैलिएको छ ।

क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार, स्वास्थ्य
ट्याग : #कोरोना