कोरोना संक्रमित बढ्या बढ्ढै, संक्रमितको संख्या ४ हजार ८५ पुग्यो

काठमाडौं । नेपालमा मंगलबार थप ३ सय २३ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले नियमित पत्रकार सम्मेलनमा नेपालमा हालसम्म ४ हजार ८५ जनामा कोरोना भाइरसको संक्रमण पुष्टि भएको जानकारी दिएको हो । स्वास्थ्य मन्त्रालयका प्रवक्ता डाक्टर जागेश्वर गौतमले पछिल्लो २४ घण्टामा ९६ जना निको भएर अस्पतालबाट डिस्चार्ज भएको जानकारी दिए । योसँगै नेपालमा कोरोना संक्रमण भएर निको हुनेको संख्या हालसम्म ५ सय ८४ पुगेको छ ।

इलाममा पनि संक्रमित भेटिएसँगै हालसम्म ७२ जिल्लामा कोरोना भाइसरसको संक्रमण फैलिएको छ । मंगलबार थप एक जनाको कोरोना भाइरसको संक्रमणका कारण मृत्यु भएको पुष्टि भएको हो । चितवनका एक जना पुरुषको कोरोनाका कारण मृत्यु भएको स्वास्थ्य मन्त्रालयले पुष्टि गरेसँगै नेपालमा ज्यान गुमाउनेको संख्या १५ पुगेको हो । ७७ जिल्लामध्ये हालसम्म ७२ जिल्लामा कोरोना भाइरसको संक्रमण फैलिएको छ।

पछिल्लो २४ घण्टामा पीसीआर विधिबाट ५ हजार ३ सय ५३ र आरडिटी विधिबाट ९ हजार १ सय ६७ वटा परीक्षण भएको छ । हालसम्म पीसीआरबाट कुल १ लाख ६ हजार ३ सय ३१ र आरडीटीबाट १ लाख ६६ हजार १ सय ५८ वटा परीक्षण भएको छ । हाल देशभर १ लाख ६५ हजार ७ सय ७५ जना क्वारेन्टिनमा रहेका छन । यस्तै देशभर ३ हजार ४ सय ८७ जना आइसोलेशनमा छन । पछिल्लो एक सातादेखि दैनिक ३ सयको हाराहारीमा कोरोना संक्रमित भेटिरहेका छन् ।

थप समाचार

कांग्रेसको नयाँ नेतृत्व चयनका लागि आज मतदान, ७ हजार २५५…

गगन थापाको घोषणा : कांग्रेसमा आजदेखि सबै गुट सकियो, अब…

रसायनशास्त्रतर्फको नोबेल पुरस्कार फ्रान्सका कागन र जापानका सोईलाई

चोलेन्द्रको घरमा सम्पत्ति शुद्धीकरण अनुसन्धान बिभागको छापा

कांग्रेस सभापतिको उम्मेदवारी फिर्ता गर्ने किशोरसिंह राठोरको घोषणा, गगन थापालाई…

कांग्रेसको बन्द सत्रमा सबैलाई प्रवेश खुला, प्रत्यक्ष प्रसारण हुने