१७ जनामा थप कोरोना देखिदा संक्रमितको संख्या ४४४ पुग्यो

खोज पत्रिका बिहिबार, २०७७ जेष्ठ ८, १४ :४२ बजे

काठमाडौं । नेपालमा थप १७ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयले बिहीबार बिहान विज्ञप्ति जारी गर्दै थप १७ जनामा कोरोना भाइरस भेटिएको जानकारी दिएको हो । पछिल्लो समय झापामा मात्रै १५ जना कोरोना संक्रमित भेटिएका छन् । झापाको कचनाकवल गाउँपालिकाको वडा नम्बर ३, ६ र ८का १८ , १८, १९, १९, २२, २३, २३, २५, २६, २६, २८, ३०, ३२, ३७ र ४६ वर्ष उमेरका पुरुषहरु संक्रमित भेटिएका हुन् । यसैगरी धनकुटा निवासी ३४ वर्षीय पुरुष र सुनसरीको धरान उपमहानगरपालिका निवासी ५१ वर्षीया महिलामा पनि कोराना पुष्टि भएको मन्त्रालयले जनाएको छ ।

बीपी कोइराला स्वास्थ्य विज्ञान प्रतिष्ठान धरान र प्रादेशिक जनस्वास्थ्य प्रयोगशाला विराटनगरमा परिक्षण गरिएको थियो । योसँगै नेपालमा कोरोना संक्रमण पुष्टि भएकाहरुको संख्या ४ सय ४४ पुगेको छ । उनीहरुको स्वास्थ्य हालसम्म सामान्य रहेको र सबै स्वास्थ्यकर्मीको सम्पर्कमा रहेको जनाइएको छ ।

क्याटेगोरी : प्रमुख समाचार, ब्रेकिंग न्युज, समाचार, स्वास्थ्य
ट्याग : #१७ जनामा थप कोरोना