लकडाउन उलंघन बढ्दो, ४४ क्षेत्र शर्त सहित खुल्ला

खोज पत्रिका शुक्रबार, २०७७ बैशाख २६, ०९ :१६ बजे

काठमाडौं २६ बैशाख । आज लकडाउनको ४६ औं दिन । काठमाडौं उपत्यकामा बिहानै दैनिक उपभोग्य बस्तु खरिद गर्नेहरुको भिड लागेको छ । पछिल्लो समयमा काठमाडौं उपत्यकामा लकडाउन उलंघन गर्ने क्रम बढेको छ । बिहानै मानिसहरु अत्याबश्यक काम बिना चोक तथा सडकमा हिडिरहेका देखिन्छन् । सवारी साधन पनि केही चलेको देखिन्छ । तर, सुरक्षाकर्मीले अत्याबश्यक काम बाहेक बाहिर निष्किएका सर्वसाधारणलाई सडकको छेउमै ४ घण्टा उभ्याएर कारबाही गर्ने नीति लिएको छ । पक्राउ गर्दा पूर्ण सावधानी अपनाइने र पक्राउ परेकाहरुलाई सामाजिक दुरी कायम गरेर मात्रै सडकछेउमै राखिने प्रहरीले जनाएको छ । यस्तै, सरकारले कोरोना भाइरसको सम्भावित जोखिमबाट बच्नका जेठ ५ गतेसम्म लकडाउनलाई कायम गरेपनि आजदेखि शर्तसहित विकास निर्माणका काम खुला गर्ने भएको छ । लकडाउनका अवधिमा औषधि, स्वास्थ्य सामाग्रीजस्ता अतिआवश्यक वस्तुको उत्पादन तथा बिक्रीवितरण, खाद्य, कृषिजन्य, पशुजन्य उत्पादन तथा बिक्रीवितरण, औद्योगिक वस्तुको उत्पादन तथा बिक्रीवितरण गर्न दिने भएको छ । साथै विकास आयोजना सञ्चालनका लागि आवश्यक पर्ने ढुङ्गा, गिटी र बालुवालगायत निर्माण सामाग्रीको ढुवानी गर्न पाइने भएको छ । न्यूनतम कर्मचारीको ब्यवस्था गरी बैंकिङ तथा वित्तीय संस्था सञ्चालन गर्न पनि दिइने भएको छ । यातायात, बजार र शिक्षण संस्थाबाहेक धेरै उद्योगधन्दा र कलकारखाना खोल्न पाइने छैन् ।

क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार
ट्याग : #लकडाउनको ४६ औं दिन