दुबै अध्यादेश राष्ट्रपतिबाट खारेज

खोज पत्रिका शुक्रबार, २०७७ बैशाख १२, १५ :५२ बजे

काठमाडौं १२ बैशाख । सोमबार जारी भएका दुवै अध्यादेश खारेज भएका छन् । मन्त्रिपरिषद्को सिफारिसमा राष्ट्रपति विद्यादेवी भण्डारीले अध्यादेश खारेज गरेकी हुन् ।

सरकारले वैशाख ८ गते राजनीति दल विभाजन र संवैधानिक परिषद् सम्बन्धी दुई अध्यादेश राष्ट्रपति कहाँ पठाएको थियो । लगत्तै राष्ट्रपति भण्डारीले जारी गरेकी थिइन । एउटा अध्यादेश दल विभाजनलाई खुकुलो बनाउने र अर्को अध्यादेशमा प्रतिपक्षी दलको नेता नभए पनि संवैधानिक परिषद्को बैठक बसी निर्णय गर्न सक्ने गरी ब्यवस्था गरिएको थियो । तर, आफनै पाटीका नेता र प्रतिपक्षबाट सरकारको औतर्फी आलोचना भएपछि शुक्रबार बसेको मन्त्रिपरिषद् बैठकले अध्यादेश फिर्ता लिने निर्णय गरेको थियो । मन्त्रिपरिषदले सिफारिस गरे लगत्तै अध्यादेश खारेज गरिएको राष्ट्रपति कार्यालयका सहायक प्रवक्ता केशवप्रसाद घिमिरेद्वारा जारी विज्ञप्तिमा उल्लेख छ । नेताहरुको दवाव थेक्न नसकेर प्रधानमन्त्री ओली अध्यादेशबाट पछि हटेका हुन् ।