कहिले हुन्छ बाबुरामको अन्तेष्टि

बुटवल २६ चैत । रुपन्देहीको बुटवलस्थित कोरोना विशेष अस्पतालमा मृत्यु भएका बाबुराम थापाको शव १२ दिनदेखी उठ्न सकेको छैन । अस्पतालको लापरबाहीका कारण मृत्यु भएको भन्दै परिवारले शव बुझ्न नमानेपछि १२ दिनदेखी अस्पतालमै अलपत्र परेको हो । उपचारमा अस्पतालले लापरवाही गरेका कारण पतिको मृत्यु भएको भन्दै पत्नी रिता थापाले न्याय नपाउंँदासम्म शव नबुझ्ने अडान लिएकी छन् । यता, प्रमुख विपक्षी दल नेपाली काँग्रेस, समाजवादी पार्टी, राष्ट्रिय प्रजातन्त्र पार्टी लगायत विभिन्न संघसंस्थाले थापाको उपचार प्रकृयाको स्वतन्त्र र सर्वपक्षीय समितिमार्फत छानविन गरेर सत्य तथ्य बाहिर ल्याउनुपर्ने र पीडित परिवारलाई उचित राहत दिन माग गरेका छन् । सामान्य ज्वरो आएपछि ७ गते स्थानीय मेडिकलबाट औषधि खाए । निको नभएपछि १३ गते साँझ अस्पताल भर्ना भएका उनको १६ गते निधन भएको थियो । अस्पताल भर्ना भएको चौथो दिन मात्र उनको थ्रोट स्वाबको नमुना संकलन गरेर काठमाडौं पठाइएको, मृत्युपछि रिपोर्ट कोरोना नेगेटिभ आएपनि अस्पतालले उपचार गर्न नमालेको परिवारको आरोप छ । थापाको परिवार होम क्वारेन्टाइनमा बस्न भनिएको छ । मृत्युपछि आएको कोरोनो जाँचको रिपोर्ट भने नेगेटिभ आएको थियो । दुबईको एक अस्पतालमा गाडी चलाउने थापा चैत ६ गते नेपाल आएका थिए ।।

थप समाचार

कांग्रेसको नयाँ नेतृत्व चयनका लागि आज मतदान, ७ हजार २५५…

गगन थापाको घोषणा : कांग्रेसमा आजदेखि सबै गुट सकियो, अब…

रसायनशास्त्रतर्फको नोबेल पुरस्कार फ्रान्सका कागन र जापानका सोईलाई

चोलेन्द्रको घरमा सम्पत्ति शुद्धीकरण अनुसन्धान बिभागको छापा

कांग्रेस सभापतिको उम्मेदवारी फिर्ता गर्ने किशोरसिंह राठोरको घोषणा, गगन थापालाई…

कांग्रेसको बन्द सत्रमा सबैलाई प्रवेश खुला, प्रत्यक्ष प्रसारण हुने