प्रधानमन्त्री केपी शर्मा ओलीको ६९औं जन्मोत्सव तेह्रथुमा

खोज पत्रिका आइतवार, २०७६ फाल्गुन ११, ११ :३४ बजे

काठमाडौं ११ फागुन । प्रधानमन्त्री केपी शर्मा ओली आफनो जन्मदिन मनाउन जन्मस्थान तेह्रथुम पुगेका छन् । प्रधानमन्त्री ओली आफनो ६९औं जन्मोत्सव मनाउन तेह्थुमको आठराई गाउँपालिकामा पुगेका हुन् । प्रधानमन्त्री ओली जन्मदिन मनाउन आफ्नो क्षेत्रमा आउने भएपछि आठराई गाउँपालिकाले आज सार्वजनिक बिदा दिएको छ ।

गाउँपालिकाले प्रधानमन्त्री ओलीले आफ्नो क्षेत्रमा विकास निर्माणका कामको शिलान्यास गर्ने भएकाले स्थानीय बिदा दिने निर्णय गरेको जनाएको छ । ओलीले आठराईको छातेढुङ्गाको सुकेपोखरी, आफ्नो जन्मघर हुँदै ताप्लेजुङ्गको ढुङ्गेसाँघुस्थित मदन भण्डारीको जन्मघरसम्म जोड्ने मोटरबाटोको शिलान्यास गर्ने कार्यक्रम छ । यस्तै जन्मघरमा हुने कार्यक्रममा उनले नेपाल बैंकको शाखा कार्यालयको पनि उद्घाटन गर्नेछन् ।