अर्घाखाँचीमा बस दुर्घटना, दश जनाको ज्यान गयो

खोज पत्रिका बुधबार, २०७६ मंसिर ११, १७ :५८ बजे

अर्घाखाँची ११ मंसिर । जिल्लाको सन्धिखर्क नगरपालिका ६ नरपानीमा बस दुर्घटना हुँदा १० जनाको घटनास्थलमै ज्यान गएको छ । सन्धिखर्कबाट बुटबल जादै गरेको लु २ ख २१४८ नम्वरको बस नरपानी बजार नजिकैको घुम्तीमा दुर्घटना भएको हो । घटनास्थलमा नेपाली सेना, नेपाल प्रहरी र शसस्त्र प्रहरी तथा स्थानीयले उद्धार गरिरहेका छन । घाइते सात जनालार्इ उपचारका लागि बुटबल पठाइएको जिल्ला प्रहरी कार्यलय अर्घाखाँचीका प्रहरी निरिक्षक प्रकाश खत्रीले जानकारी दिए ।

घाइतेहरुको उद्धार जारी रहेको छ । बस सडकबाट झण्डै तीन सय मिटर तल खसेको छ । दुर्घटनामा ज्यान गुमाउनेहरुको सनाखत हुन बाँकी रहेको प्रहरीले जनाएको छ ।